Saılaý tıimdi uıymdastyryldy - EQYU
«Qazaqstan saılaý jónindegi óz mindettemelerin oryndaý úshin áli de úlken joldy eńserýi qajet. Alaıda alǵa jyljý bar. Biraq osy saılaý barysynda basqa partııalarǵa qaraǵanda bılik basyndaǵy partııa basym múmkindikterge ıe boldy. Partııalar ózderiniń saılaýaldy baǵdarlamalaryn erkin júrgize alýyna múmkindik alǵanymen, shynaıy saıası tańdaý jasaý áli de jetispeıdi. Turǵyndardyń quqyǵyn qorǵaý salasynda kúrdeli reforma jasaý qajet jáne biz jańa Parlamenttiń reformalaýǵa qatysý úshin erik-jigeri bolady dep úmittenemiz, biz osy reformalardy qoldaýǵa ázirmiz», - dep atap ótti Marıetta Tıdeı.
Onyń aıtýynsha, Qazaqstan demokratııalyq quqyqtar men jıyn ótkizý jáne pikir erkindigin qamtamasyz etý boıynsha mindettemelerdi óz moınyna júktedi, alaıda shekteýler áli de bolsa bar. «Qazirgi ýaqytqa deıin saılaý boıynsha zańnama qajetti deńgeıde damymaǵan. OSK kásibı turǵyda jaqsy jumys istedi. Árıne «Saılaý týraly» zań saıası partııalardyń saılaý komıssııalaryna qatysýyn qamtamasyz etýi qajet, biraq ony tıisti dárejede júzege asyrý tetigi bolmady. Atap óterligi, bir partııanyń tómengi deńgeılerdegi komıssııalarda ókildigi az boldy. Degenmen, barlyq kandıdattardyń tirkeýge alynǵanyn oń qadam retinde atap ótýge bolady. OSK partııalar usynǵan barlyq kandıdattardy tirkedi», - dedi EQYU-nyń saılaýlardy baıqaý jónindegi qysqa merzimdi mıssııasynyń jetekshisi.
Onyń atap ótýinshe, EQYU baıqaýshylary saılaý barysynda esh kedergisiz, ashyq túrde jumys jasaýǵa múmkindik aldy.
«Tutastaı alǵanda, bizdiń qorytyndymyz - keshegi saılaý tıimdi uıymdastyrylǵan. Іlgerileýshilik bar. Biraq Qazaqstan EQYU aıasyndaǵy mindettemelerin oryndaý úshin áli de kóp jumys jasaý kerek», - dep qorytyndylady halyqaralyq baıqaýshy.
