Saılaý kúninde maska kııý usynylady

ASTANA. QazAqparat – 19 naýryzda ótetin kezekten tys Májilis jáne máslıhattar depýtattaryn saılaý kezinde daýys berýshilerge masqa kııý usynylady. Bul týraly Densaýlyq saqtaý vıtse-mınıstri – Bas memlekettik sanıtarııalyq dáriger Aıjan Esmaǵambetova aıtty, dep habarlaıdy QazAqparat tilshisi.

«Respýblıkamyzda koronavırýs ınfektsııasy boıynsha epıdemıologııalyq jaǵdaı turaqty. Táýligine COVID-19 aýrýy ortasha eseppen 100 jaǵdaıǵa deıin tirkelýde. Epıdemıologııalyq jaǵdaıdy baǵalaý matrıtsasyna sáıkes respýblıka jáne barlyq óńirler «jasyl» aımaqta tur. Sonymen qatar 7 óńirde R kórsetkishi 1 birlikten joǵary. Bul aýrýdyń taralýymen baılanysty bolyp otyr. Osyǵan oraı, Bas memlekettik sanıtarııalyq dárigerdiń qaýlysyna sáıkes R kórsetkishi 1-den joǵary bolǵan kezde halyq kóp jınalatyn jerlerde maska kııý usynylady», - dedi Aıjan Esmaǵambetova Ortalyq saılaý komıssııasynyń otyrysynda.