Saılaý kúni astanalyqtar avtobýsta tegin júredi

ASTANA. QazAqparat - 19 naýryzda ótetin saılaý kúni elordada qoǵamdyq kólikter qalalyq jáne qala mańyndaǵy marshrýttarda tegin bolady, dep habarlaıdy Astana ákimdigi.

Qoǵamdyq kólik ádettegi jumys kestesine sáıkes saǵat 6:00-den 23:00-ge deıin qatynaıdy. Al 20 naýryzdan bastap, dúısenbide qoǵamdyq kólik qolma-qol aqshasyz tólemmen shtattyq rejımde jumys isteıdi.

Aıta keteıik, 2020 jyldyń naýryz aıynan bastap elorda ákiminiń tapsyrmasy boıynsha qalanyń barlyq kámeletke tolmaǵan turǵyndary úshin tegin jol júrý tásili engizilgen bolatyn. Osy ýaqyt ishinde oqýshylar 48 mıllıon sapar jasady.

Sol sııaqty azamattardyń jeńildetilgen sanattary, onyń ishinde zeınetkerler, múgedektigi bar adamdar, kópbalaly otbasylar jáne t.b. tegin jol júrýdi paıdalanady.