Saılaý barlyq talapqa saı ótip jatyr - Lakı Kesoglý

ALMATY. QazAqparat - QR halyq ártisi, QR Memlekettik syılyǵynyń laýreaty Lakı Kesoglý Qazaqstan Respýblıkasy Parlamenti Májilisi men qalalyq máslıhattar saılaýynda daýys berdi, dep habarlaıdy QazAqparat tilshisi.

Tanymal ánshi óziniń daýsyn Almatydaǵy № 81 saılaý ýchaskesinde berdi.

«Saılaý koronavırýs pandemııasymen baılanysty osyndaı kúrdeli jaǵdaıda ótip jatyr. Munda barlyq sanıtarlyq normalar saqtalǵan, bári yńǵaıly jasalypty. Men burynan daýys berip kele jatqan adammyn. Bul ár qazaqstandyqtyń boryshy dep oılaımyn. Sondyqtan men barlyǵyn daýys berýge shaqyramyn «, - dedi ol.

Sonymen qatar, ol bolashaq jastardyń qolynda ekenin tilge tıek etti.

«Qazir jastardyń ýaqyty keldi. Olar óziniń aqyl-parasaty, bilimi jaǵynan laıyqty jáne barlyq talaptarǵa saı dep oılaımyn. Men jastarǵa sáttilik tileımin», - deıdi ánshi.

Aıta keteıik, Qazaqstanda QR Parlamenti Májilisi men máslıhattar depýtattarynyń saılaýy ótip jatyr.