Saılaý – 2022: Ár kandıdatqa úgit-nasıhat júrgizýge 10 mln teńge bólý josparlanýda

ASTANA. QazAqparat – QR Prezıdenti saılaýyna qatysatyn ár kandıdatqa úgit-nasıhat júrgizýi úshin shamamen 10 mln teńge bólinbek. Bul týraly Ortalyq saılaý komıssııasynyń múshesi Sabıla Mustafına málim etti, dep habarlaıdy QazAqparat tilshisi.

«Bizde aldyn-ala esep bar. Saılaýaldy úgit-nasıhat júrgizý úshin ár kandıdatqa shamamen 10 mln teńge bólý qarastyrylyp jatyr. Bul qarjy BAQ-ta aqparat taratýǵa, materıaldar jarııalaýǵa jumsalady. ıAǵnı kandıdat BAQ arqyly úgit-nasıhat júrgizedi. Odan bólek, atalǵan somanyń ishine kandıdattyń ǵımarat jáne kólikti jalǵa alýy kiredi», - dedi Ortalyq saılaý komıssııasynyń múshesi Sabıla Mustafına.

Onyń aıtýynsha, atalǵan másele boıynsha ázirge sońǵy sheshim qabyldanǵan joq.

«Bul másele boıynsha Úkimettiń jáne Ortalyq saılaý komıssııasynyń naqty sheshimi shyqqan joq. Joǵaryda atalǵan soma shamamen alynyp otyr», - dep jaýap berdi OSK-nyń múshesi tilshilerdiń saýalyna.

Eske salsaq, QR Prezıdenttigine kandıdattar saılaýǵa deıingi úgit-nasıhat jumysyn 21 qazanda bastaıdy. Atalǵan shara 28 kúnge sozylady .

Sondaı-aq, Ortalyq saılaý komıssııasynyń otyrysynda úgit-nasıhat kezinde nege tyıym salynatyny aıtyldy.

Aıta keteıik, búgin Prezıdent saılaýyna kandıdattardy usyný bastaldy.