Saılaý-2021: Túrkistanda jas jubaılar daýys berdi

TÚRKІSTAN. QazAqparat - Halyq sany tyǵyz ornalasqan Túrkistan oblysynyń turǵyndary elimizde ótip jatqan QR Parlamenti Májilisi men máslıhattar depýtattarynyń saılaýyna belsendi qatysyp, tańnan beri óz tańdaýlaryn jasaýda. Solardyń biri jaqynda ǵana otaý tikken Marat Qaleke men Ardaq Tólepbek. Jas jubaılar búgin Túrkistan qalasyndaǵy 104-i saılaý ýchaskesinde daýys berdi, dep habarlaıdy QazAqparat tilshisi.

Aıta keteıik, Túrkistan oblysynda 911 saılaý ýchaskesi ashylyp, onda 1 mln 160 myńnan asa saılaýshy tirkelgen. Oblys ortalyǵy - Túrkistan qalasynda 50 saılaý ýchaskesi jumys isteıdi. Onda qala turǵyndarymen qatar, qyzmet babynda júrgen azamattar jáne qalaǵa kelgen qonaqtar da daýys berýde. Shahardaǵy saılaý ýchaskeleriniń birine jaqynda ǵana shańyraq kótergen jas jubaılar da óz tańdaýyn jasaýǵa keldi. Elimizdegi árbir azamattyń daýysy mańyzdy ekenin túsingen erli-zaıyptylar Marat Qaleke men Ardaq Tólepbek osylaısha eldik máselege beı-jaı qaramaıtyndyǵyn kórsetti. Marat memlekettik qyzmetker, jubaıy Ardaq Q.A.ıAsaýı atyndaǵy HQTÝ-niń stýdenti.

Jalpy óńirde máslıhat saılaýy boıynsha 320 depýtattyq mandat berilse, onyń 45-i oblystyq máslıhatqa bólingen. Al, qalalyq máslıhatqa - 47, aýdandyq máslıhatqa - 228 depýtat saılanbaq.