Saılaý 2021: Aıqyn Qońyrov daýys berdi

NUR-SULTAN. QazAqparat- Qazaqstannyń Halyq partııasynyń tóraǵasy Aıqyn Qońyrov Májilis pen máslıhattar depýtattary saılaýynda daýys berdi, dep habarlaıdy QazAqparat tilshisi.

Qazaqstannyń Halyq partııasynyń basshysy elordadaǵy 66 mektepte ornalasqan 113 saılaý ýchaskesinde daýys berdi.

«Búgin Májilis pen máslıhattar depýtattaryn saılaý kúni ótip jatyr. Meniń oıymsha, ár azamat óz tańdaýyn jasap, konstıtýtsııalyq quqyǵyn paıdalanǵany jón. Jáne sol arqyly elimizdiń saıası, ekonomıkalyq jáne áleýmettik damýyna óz úlesin qosady»,- dedi Aıqyn Qońyrov.

Aıta keteıik, Qazaqstan Prezıdenti Qasym-Jomart Toqaev 2020 jyldyń 20 qazanynda Parlament Májilisi men máslıhat depýtattary saılaýyn ótkizý týraly jarlyq shyǵarǵan bolatyn.

Búgin 12 óńirde 8 141 saılaý ýchaskesinde daýys berý bastaldy.