Saılaý-2019: Áleýmettik jelilerde úgit júrgizý zańdy ma?

NUR-SULTAN. QazAqparat - «Zańgerler - ádil saılaý úshin» respýblıkalyq qoǵamdyq birlestiginiń ókilderi áleýmettik jeliler arqyly úgit-nasıhat aqparattaryn taratýdyń qanshalyqty zańdy bolatynyn aıtty, dep habarlaıdy QazAqparat tilshisi.

Qazaqstan zańgerler odaǵynyń tóraǵasy Serik Aqylbaıdyń aıtýynsha, áleýmettik jeliler men messendjerler arqyly saılaýǵa úgitteý zańmen shektelmeıdi.

«Áleýmettik jeliler, messendjerler - qazirgi ómirdiń ajyramas bóligi. Sondyqtan bul quraldar arqyly úgitteýge tyıym salynbaıdy. Degenmen, ondaı aqparattardy taratý kezinde jalpyǵa ortaq ádeptilik normalaryn saqtaǵan jón. Sondaı-aq, azamattardyń osy mándegi aqparattardy ary qaraı alýdan bas tartý quqyǵy saqtalǵany mańyzdy» - dedi zańger.

Serik Aqylbaı áleýmettik jeli arqyly úgit materıaldaryn taratý ózge buqaralyq aqparat quraldaryna arnalǵan erejemen retteletinin de eskertti.