Saıasattanýshy bıylǵy ákim saılaýynyń basty artyqshylyqtaryn atady

TÚRKІSTAN. QazAqparat - 25 shilde kúni Qazaqstan boıynsha aýyl ákimderin saılaý ótedi. Memleket basshysynyń bastamasymen tuńǵysh ret júzege asyp otyrǵan bul saılaý naýqany qoǵamda qyzý talqyǵa túsip, kópshiliktiń oń pikirin qalyptastyryp úlgerdi, dep habarlaıdy QazAqparat.

Aýyl ákimderin saılaý naýqanyna belgilengen ýaqytqa deıin jeke azamattar men saıası partııalar óz úmitkerin usyna alady.

«Bul jolǵy saılaýdyń basty artyqshylyǵy – halyqtyń tikeleı saılaý arqyly jumys atqarýǵa qabileti tolyq jetetin, óńirdiń basty máselelerin jetik biletin azamattardy tańdaý múmkindigine ıe bolýy. Sonymen qatar, bul saılaýdyń álemdik tájirıbede bar jáne memlekettik saıasatty tıimdi júzege asyrýǵa oń yqpalyn tıgizetin utymdy mehanızm ekeni dáleldengen», - deıdi saıasattaný ǵylymdarynyń dotsenti, phd doktory Ámirbek Aıdarbek.

Sondaı-aq, «Aqjol» demokratııalyq partııasy Túrkistan oblystyq fılıaly tóraǵasynyń orynbasary Nurjan Esenbekov, «Nur-Otan» partııasy Túrkistan oblystyq fılıaly tóraǵasynyń orynbasary Polat Tursynbaev, «Aýyl» halyqtyq demokratııalyq patrıottar partııasy Túrkistan oblystyq fılıaly tóraǵasynyń orynbasary Turǵanbek Ospanov aýyl ákimderin saılaýǵa saıası partııalardyń da úmitker usyný týraly baǵyttary ózara básekeni arttyryp, jumys sapasyn arttyrýǵa jol ashatyndyǵyn jetkizdi.