SAÝRANBAI BI QULMANULY

Saýranbaı Qulmanuly (1847-1919) - belgili bı, bolys. Burynǵy Perovsk ýezine qarasty Qaraózek bolystyǵynda (qazirgi Qyzylorda oblysy) dúnıege kelgen.

Jas kezinde Abbas bıdiń qaramaǵynda kómekshi bolyp óz zamanynyń ádil bıi, ot aýyzdy, oraq tildi Abbas bıdiń tálim tárbıesin kórgen. Saýranbaı bı el arasyndaǵy daý-sharalardy sheshý kezinde bılik aıtyp, el arasynda ótkir tilimen, biliktiligimen kózge túsken. El ishindegi ár túrli bılik, ákimshilik jumystaryna belsene aralasqan.

Perovsk ýezine qarasty Qaraózek bolysynyń bolysy bolyp 30 jyldaı el basqarǵan.

1870 jyly Saýranbaı Qulmanulynyń bastamasymen qazdyrǵan aryq «Saýranbaı aryǵy» atalyp, sodan ótetin temirjol kópiri 1904 jyldan Saýranbaı bolystyń kópiri «Saýranbaı kópiri» (qaıta jańartylǵan) atalǵan.

1901 jyly 22 naýryzda kúmis medalmen jáne Stanıslavskıı lentasymen marapattalǵan.

1902 jyly Orynbor-Tashkent temir jolynyń ótý baǵytyn ázirleýge atsalysyp, qurylysyna kómek kórsetken.

Kete Júsip, Dúr Ońǵar, Jarylqap aqyndardyń jyrlarynda Saýranbaı bı Qulmanuly týraly derekter kezdesedi.

Derek kózi:

Qazaqstan ulttyq entsıklopedııasy, 7 tom