Sáýir aıyndaǵy egis jumystaryna 138 myń tonna dızel bólindi
Kóktemgi dala jumystaryn júrgizýge barlyǵy 390 myń tonna dızel otynyn bólý josparlanǵan, aqpan-naýryz aılarynda aýyl sharýashylyǵy taýarlaryn óndirýshilerge tıisinshe 10,3 jáne 103 myń tonna bólindi. Osy kezeńde 5,3 jáne 74,2 myń tonna ıgerildi. Máselen, Aqmola oblysy naýryz aıyna jospardyń 67%-yn, 14 sáýirdegi jaǵdaı boıynsha - 7%-yn aldy. Bul rette dızel otynynyń josparlanǵan barlyq kólemi qolda bar jáne ol jergilikti atqarýshy organdar belgilegen aýyl sharýashylyǵy operatorlarynyń ótinimderi boıynsha jiberiledi.
2020 jyldyń sáýir aıynda 138 myń tonna dızel otynyn bólý josparlanǵan, alaıda búgingi kúnge tek 27 myń tonna jóneltildi, bul aılyq kólemniń 19,4% quraıdy.
Memleket basshysynyń tapsyrmasyn oryndaý maqsatynda Energetıka mınıstrligi aýyl sharýashylyǵy taýarlaryn óndirýshiler úshin dızel otynyn jetkizýge qatysatyn negizgi resýrs ustaýshylarmen keńes ótkizdi, onyń qorytyndysy boıynsha 2020 jylǵy kóktemgi egis jumystaryn júrgizý úshin dızel otynynyń usynylatyn baǵasy 1 tonnasy úshin 194,0 myń teńgeden (161 teńge/lıtr) 1 tonnasy úshin 174,0 myń teńgege (144 teńge/lıtr) (QQS qosa alǵanda) (FCA-tıeý stantsııasy sharttarynda) deıin 1 sáýirden bastap tómendetildi.
Sáýirde jetkizýdi, saqtaýdy jáne operatordyń marjasyn eskere otyryp, baǵa 1 lıtr úshin 165 teńgeni quraıtyn bolady (anyqtama úshin: Qazaqstandaǵy janarmaı quıý beketterindegi dızel otynynyń ortasha baǵasy shamamen 188 teńge / lıtr).
Kóktemgi egis jumystaryn úzdiksiz júrgizý úshin fermerlerdiń josparlanǵan janarmaı kólemin egin egýdi toqtatpaı, jańa baǵamen satyp alý múmkindigi bar, búkil josparlanǵan kólem qoljetimdi jáne jergilikti atqarýshy organdar anyqtaǵan aýylsharýashylyq operatorlarynyń suranystaryna sáıkes tıep- jóneltiledi. Sondaı-aq, oblystardyń ákimdikteri josparlanǵan kólemge sáıkes fermerlerdi dızel otynymen qamtamasyz etý máselelerin qadaǵalap otyrýy tıis.
Qazirgi ýaqytta oblys ákimdikteri Ulttyq kásipkerler palatasynyń óńirlik fılıaldarymen birlesip, kóktemgi egis jumystaryna dızel otynyn alýǵa arnalǵan ótinimderdiń ýaqtyly rásimdelýin baqylaýy, sondaı-aq dızel otynyn fermerlerge josparlanǵan kólemge sáıkes berýdiń jergilikti rásimderiniń tıimdiligin qamtamasyz etýi qajet.
