Sáýir aıynda ınflıatsııa 0,5 paıyzdy qurady

NUR-SULTAN. QazAqparat - Sáýirde aılyq ınflıatsııa 0,5 paıyzdy qurady. Bul týraly búgin Úkimet otyrysynda QR Ulttyq banki tóraǵasy Erbolat Dosaev aıtty, dep habarlaıdy QazAqparat tilshisi.
None
None

«Bıylǵy jylǵy sáýirde aılyq ınflıatsııa 0,5 paıyzdy qurady. Jyldyq ınflıatsııa 2019 jylǵa arnalǵan 4-6 paıyzdyq nysanaly dáliz sheginde turaqtandy jáne sáýir aıynyń qorytyndysy boıynsha 4,9 paıyz deńgeıde qalyptasty», - dedi ol.

UB tóraǵasynyń aıtýynsha, tómen ınflıatsııaǵa jyldyq kórsetý boıynsha azyq-túlikke jatpaıtyn taýarlarǵa baǵanyń 6 jáne aqyly qyzmetterge tarıfterdiń 1,2 paıyzǵa deıin ósýiniń baıaýlaýy yqpal etti. Bul rette azyq-túlik segmentindegi 7,1 paıyzǵa ósken baǵany turaqtandyrý úshin Úkimettiń júıeli sharalaryn kúsheıtý qajet.

«Inflıatsııanyń aǵymdaǵy deńgeıin jáne ınflıatsııalyq kútýlerdi eskere otyryp, bazalyq mólsherleme 9 paıyzǵa deıin tómendetildi jáne dáliz +/-1 paıyzdyq tarmaq sheginde saqtaldy. Inflıatsııanyń turaqtanýy jáne qarjy-nesıe saıasatynyń jumsarýy kredıtterdiń qoljetimdiliginiń artýyn qamtamasyz etedi. Aǵymdaǵy jylǵy naýryzda bızneske arnalǵan teńgemen kredıtter boıynsha mólsherleme ótken jylǵy naýryzdaǵy 12,8 paıyzben salystyrǵanda 12 paıyzǵa deıin tómendetildi. Onyń ishinde qysqa merzimdi kredıtter boıynsha - 12,1, uzaq merzimdi kredıtter boıynsha - 11,5 paıyzǵa deıin», - dedi E.Dosaev.

Сейчас читают