Saýda jáne ıntegratsııa vıtse-mınıstri taǵaıyndaldy

ASTANA. KAZINFORM – Saýda jáne ıntegratsııa vıtse-mınıstri qyzmetine Aıdar Ábildabekov taǵaıyndaldy. Bul týraly QR Úkimetiniń baspasóz qyzmeti habarlady. 

– Qazaqstan Respýblıkasy Úkimetiniń qaýlysymen Aıdar Ahmetbekuly Ábildabekov saýda jáne ıntegratsııa vıtse-mınıstri qyzmetine taǵaıyndaldy, - delingen habarlamada. 

Aıdar Ábildabekov 1970 jyly dúnıege kelgen. E.Bóketov atyndaǵy Qaraǵandy memlekettik ýnıversıtetin támamdaǵan. 

Eńbek jolyn 1996 jyly bastady. Osy jyldary kommertsııalyq qurylymdarda jumys istep, saýda salasynda kásipkerlik qyzmetpen aınalysty.

1998–2009 jyldary Qazaqstan Respýblıkasynyń keden organdarynda ınspektor, aǵa ınspektor, bas ınspektor, keden beketi bastyǵynyń orynbasary, bólim bastyǵy laýazymdarynda jumys istedi.

2010–2022 jyldary Qazaqstan Respýblıkasy Statıstıka agenttiginiń qyzmetter statıstıkasy basqarmasynyń bastyǵy, Almaty qalasy boıynsha statıstıka departamenti basshysynyń orynbasary, Ońtústik Qazaqstan jáne Túrkistan oblystarynyń, Almaty qalasynyń statıstıka basqarmalaryn basqardy. 

2022–2023 jyldary Qazaqstan Respýblıkasy Saýda jáne ıntegratsııa mınıstrligi Saýda komıteti tóraǵasynyń orynbasary boldy. 

2023 jyldyń shildesinen bastap jańa qyzmetke taǵaıyndalǵanǵa deıin QR MTI Saýda komıtetiniń tóraǵasy qyzmetin atqardy. 

Eske sala keteıik, buǵan deıin Abaı oblysy ákiminiń orynbasary taǵaıyndalǵanyn jazǵan edik.