Saýd Arabııasynda Ýkraına men AQSh kelissózi bastaldy
ASTANA. KAZINFORM — Ýkraınanyń Qorǵanys mınıstri Rústem Ýmerov H áleýmettik jelisinde Saýd Arabııasynda AQSh-tyń delegatsııasymen kelissózder bastalǵanyn málim etti.
— Biz Er-Rııadta amerıkalyq komandamen kezdesýdi bastadyq. Biz Ýkraına prezıdentiniń ádil jolmen beıbitshilikke jaqyndaý jáne qaýipsizdikti nyǵaıtý jónindegi dırektıvasyn iske asyramyz. Kún tártibinde energetıkalyq nysandar men ınfraqurylymdy qorǵaý boıynsha usynystar qaralady. Búgin biz birqatar kúrdeli tehnıkalyq máselelerdi pysyqtap jatyrmyz — bizdiń delegatsııa quramyna energetıka sarapshylary, sondaı-aq áskerı-teńiz jáne áskerı-áýe kúshteriniń ókilderi kiredi, — dep jazdy Rústem Ýmerov.
Aıta keteıik, AQSh prezıdenti Donald Tramp Reseı prezıdenti Vladımır Pýtın jáne Ýkraına prezıdenti Vladımır Zelenskıımen baılanystarynyń nátıjesinde Ýkraına boıynsha bolashaq kelisimniń alǵashqy baǵdary aıqyndala bastalǵanyn málimdedi.
Buǵan deıin Frantsııada Ýkraınaǵa qatysty sammıt 27 naýryzda ótetini habarlanǵan edi.