Saýd Arabııasy 2034 jylǵy fýtboldan álem chempıonatyn ótkizýge ótinim berdi

ASTANA. KAZINFORM – Saýd Arabııasy 2034 jylǵy álem chempıonatyn ótkizýge Halyqaralyq fýtbol federatsııasyna (FIFA) resmı túrde ótinim berdi. Bul týraly atalǵan federatsııanyń ótinimderdi uıymdastyrý komıtetiniń baspasóz qyzmeti málimdedi.

Ótinishti Parıjde FIFA-ǵa Saýd Arabııasynyń Sport mınıstri jáne Olımpıada jáne Paralımpıada komıtetteriniń prezıdenti hanzada Abdýl-Azız ıbn Týrkı ıbn Feısal, Saýd Arabııasy fýtbol federatsııasynyń prezıdenti ıAsser ál-Mıshal bastaǵan resmı delegatsııa tapsyrdy. 

2034 jylǵy álem chempıonatyn qabyldaıtyn el bıyl 11 jeltoqsanda belgili bolmaq.

Aıta keteıik, 2030 jylǵy Álem chempıonaty úsh qurlyqtyń alty elinde ótedi. Mýndıaldyń 100 jyldyǵyna arnalǵan matchtar Ońtústik Amerıkada bastalyp, Soltústik Afrıka men Eýropada jalǵasyn tappaq. 

Atap aıtsaq, 2030 jyldyń maýsym-shilde aılaryna josparlanǵan 48 komandalyq týrnır Ýrýgvaıda, Argentınada jáne Paragvaıda bastalady. Olardy FIFA «Júzjyldyqtyń merekelik matchtary» dep atap otyr. Sodan keıin chempıonat negizgi qabyldaýshy elderde - Ispanııa, Portýgalııa jáne Marokkoda jalǵasyn tappaq.

Bul oıyndar kezinde buryn-sońdy bolmaǵan saparlar jasalady. Adamdar túrli saǵat beldeýlerinde túrli taraptarǵa jol tartady. Solardyń qatarynda Býenos-Aıres pen Madrıd arasyndaǵy 13-saǵattyq avıatsııalyq sapar bar.

Álem chempıonaty eki jarty shardaǵy alty elde uıymdastyrylatyndyqtan, keıbir komandalar toptyq matchtaryn túrli maýsymda (qys, jaz) ótkizýge májbúr bolmaq.