Saýalnama: Kamala Harrıstiń tanymaldyǵy kúrt artty
ASTANA. KAZINFORM — ABC News/Ipsos saýalnama derekterine sáıkes, Prezıdent Djo Baıden prezıdenttik laýazymǵa talas jolynan shyqqannan keıingi birneshe kúnniń ishinde vıtse-prezıdent Kamala Harrıstiń reıtıngi amerıkalyqtar arasynda kúrt artty. Bul jaıynda Kazinform agenttigi ABC News-ke silteme jasap habarlaıdy.
ABC News/Ipsos Ipsos' KnowledgePanel qoldaný arqyly júrgizgen saýalnamaǵa sáıkes, vıtse-prezıdenttiń qolaıly jaǵdaı reıtıngi 43 paıyzǵa deıin artsa, al qolaısyz jaǵdaı reıtıngi 42 paıyzǵa deıin (1 apta buryn atalǵan kórsetkishter tıisinshe 35 jáne 46 paıyz bolatyn) tómendedi
Reıtıngtiń kúrt joǵarylaýy saıası mańyzdy toptardyń — táýelsiz saılaýshylardyń arasynda da baıqalady.
Aıtalyq, táýelsiz saılaýshylardyń 44 paıyzy K.Harrıs jaıly oń pikirde. Bir apta buryn bul kórsetkish 28 paıyz bolǵan.
Táýelsiz saılaýshylar arasynda ony unatpaıtyntyndardyń úlesi 40 paıyzdy qurap otyr. Al ótken aptada ol 47 paıyz edi.
Saýalnamaǵa qatysqan amerıkalyqtardyń 52 paıyzy vıtse-prezıdent Demokratııalyq partııa atynan kandıdat bolýy tıis dep esepteıdi.
Bul tsıfr demokrattar arasynda — 88, al afroamerıkalyqtar arasynda — 70 paıyzǵa deın artqan.
D.Tramptyń qolaıly jaǵdaı reıtıngke oǵan qastandyq jasalǵannan keıin jáne Respýblıkalyq partııanyń Ulttyq sezinen keıin júrgizilgen sońǵy saýalnama nátıjesinde 40-tan 36 paıyzǵa deıin tómendedi.
Táýelsiz saılaýshylar arasynda D. Trampqa búıregi buratyndar ótken aptada 35 paıyz bolsa, jeksenbide 27 paıyzǵa deıin tómendedi.
Kúzde ótetin amerıkalyq prezıdentti saılaýǵa qatysýshylar sheshýi mánge ıe jáne de ABC News/Washington Post shilde aıynyń basynda júrgizgen saýalnamamen salystyrǵanda daýys berýge qatysýǵa nıet bildirip otyrǵan demokrattardyń úlesi 70-ten 76 paıyzǵa deıin artyp otyr.
Qazirgi ýaqytta bul kórsetkish qarashadaǵy saılaýda daýys beretindigine senimdi respýblıkalyqtar arasynda 78 paıyzǵa teń.
Sońǵy aptada Tramptyń seriktesi Djeı Dı Venske nıettester qatary ózgere qoıǵan joq. Degenmen, oǵan qyryn qaraıtyn amerıkalyqtardyń úlesi artyp keledi.
Máselen, Ogaıo shtatynan senatordyń qolaıly jaǵdaı reıtıngi — 24 paıyz. Al ótken aptadaǵy saýalnama barysyndaǵy reıtıngi 23 paıyz bolǵan-dy.
Biraq, oǵan qyryn qaraıtyndar qatary ótken aptada 31 paıyz bolsa, qazirgi ýaqytta 39 paıyzǵa jetip otyr.
ABC News/Ipsos saýalnamasy 26-27 shilde kúnderi afroamerıkalyq jáne ıspantildi respondentterdiń qatysýymen 1 200 eresek amerıkalyqtyń arasynda aǵylshyn jáne ıspan tilinde júrgizildi.
Nátıje 3 tarmaqqa qate bolýy yqtıal.
Partııalyq bóliný mynadaı: demkorattar — 31 paıyz, respýblıkalyqtar — 29 paıyz jáne táýelsiz saılaýshylar — 29 paıyz.
