Sátqalıev jylý maýsymy týraly: jeke jaýapkershilikti sezinemiz

Jylý berý obektilerin qysqa daıyndaýǵa respýblıkalyq jergilikti bıýdjetten 55 mlrd-qa jýyq aqsha bólindi, dep habarlaıdy Kazinform.

«Jylytý maýsymy boıynsha Úkimet jáne jergilikti atqarýshy bılik organdary aýqymdy jumys atqardy. Respýblıkalyq jergilikti bıýdjetten 55 mlrd-qa jýyq aqsha bólindi. Onyń ishinde tek jylý energetıkasy obektilerine 37,1 mlrd teńge. Qaraǵandy energııa toraby boıynsha, ıá belgili bir problemalar bar. Atap aıtqanda, Arselor Mıttal Temirtaý JEO-2 boıynsha. Qazir 4 qazandyq, 2 týrbına jumys isteıdi. Tórtinshi qazandyq boıynsha artta qalýshylyq bar», - dedi Energetıka mınıstri Almasadam Sátqalıev Májilis otyrysynda depýtattardyń saýalyna jaýap bere otyryp.

Mınıstrdiń málimetinshe, Temirtaýdaǵy JEO-2 jumystar 30 qarashada aıaqtalady.

«Jeke jaýapkershilikke keletin bolsaq, ıá, biz jeke jaýapkershilikti sezinemiz. Depýtattyq korpýs aldynda da, halyq aldynda da barlyq suraqtarǵa jaýap berýge daıynbyz», - deıdi ol.