Sátbaev qalasyndaǵy Jezqazǵan kenti taratylady
ASTANA. KAZINFORM – Ulytaý oblysynyń Sátbaev qalasyndaǵy Jezqazǵan kenti taratylady. Resmı qujat ashyq normatıvtik-quqyqtyq aktiler portalynda jarııalandy.
«Ulytaý oblysy Sátbaev qalasynyń ókildi jáne atqarýshy organdarynyń pikirin eskere otyryp, Ulytaý oblysynyń ákimdigi qaýly etedi jáne Ulytaý oblystyq máslıhaty ShEShІM QABYLDADY: Jezqazǵan kenti Sátbaev qalasynyń ákimshilik-aýmaqtyq baǵynysyna engizilip, keıinnen eseptik derekterden alyp tastaı otyryp, Jezqazǵan kenti taratylsyn»,- delingen resmı qujatta.
Kent Jezqazǵan qalasynan soltústik-batysqa qaraı 25 shaqyrym, Sátbaev qalasynan ońtústik-batysqa qaraı 5 shaqyrym jerde ornalasqan. Іrgesi dúnıe júzindegi asa iri Jezqazǵan mys kenin ıgerýge baılanysty 1907 jyly qalanǵan. 1937 jyldan kent sanalyp keldi.
