Saryshaǵan stansasynda kómir qoımasy otqa orandy

QARAǴANDY. QazAqparat - 9 jeltoqsanǵa qaraǵan túnde Saryshaǵan stansasyndaǵy orta mekteptiń kómir qoımasynda órt tutandy, dep habarlaıdy QazAqparat «Qazaqstan temir joly» UK» AQ baspasóz qyzmetine silteme jasap. 

Saǵat 00:10-da órt týraly habar kelip túsken boıda Saryshaǵan stansasyna órt sóndirý poıyzynyń jeke quramy jiberildi.

Aýdany 90 sharshy metr qoımada 60 tonnadan astam kómir bolǵan. Órt sóndirýshiler tilsiz jaýmen eki jarym saǵattaı alysyp, 02:40-ta tolyqtaı sóndirdi.

Órtti sóndirýge órt sóndirýshi poıyzdyń 7 qyzmetkerinen tys, 12 jergilikti temirjolshy da qatysty. Kómirdi shyǵarýǵa traktor jumyldyryldy.

Zardap shekkender joq.