Saryaǵashtyq turǵynnyń 5 mıllıon teńgesin aldap alǵan kúdikti anyqtaldy

TÚRKІSTAN. QazAqparat - Saryaǵash polıtsııasyna jergilikti turǵyn áıel aryzdanǵan. Onyń aıtýynsha óziniń tanysy Astana qalasynan arzan baǵada avtokólik alyp beremin dep senimine kirip, 5 mln teńgesin alyp ketken, dep habarlaıdy QazAqparat.

Alaıda, japa shegýshi búgingi kúnge deıin ýáde etilgen avtokólikti de, ne óz aqshasyn da ala almaǵan. Atalǵan jaıt QR QK-niń 190-baby «Alaıaqtyq» boıynsha tirkeldi.

«Polıtseıler jedel-izdestirý jumystaryn júrgizdi. Tártip saqshylary kúdiktini anyqtaý maqsatynda aqparat jınady. Nátıjesinde kúdikti dep tanylǵan Shymkent qalasynyń turǵyny anyqtaldy.

Belgili bolǵandaı kúdikti azamat jábirlenýshige jalǵan aqparat berip, aqshany qaltasyna basqan. Qazirgi tańda tártip saqshylary oqıǵanyń tolyq mán-jaıyn tekserýde», - dep jazdy Túrkistan oblystyq polıtsııa departamentinen.