Saryaǵashtaǵy mektep qyzmetkeri sýıtsıd jasady

TÚRKІSTAN. QazAqparat - Saryaǵash aýdanyndaǵy mektep qyzmetkeri sirke sýyna ýlanǵan, dep habarlaıdy QazAqparat.

ІІM málimetinshe, 20 qańtarda Saryaǵash aýdandyq polıtsııa basqarmasyna ortalyq aýrýhanadan jergilikti turǵynnyń sirke sýyna ýlanyp túskeni týraly habarlama kelgen. Polıtsııa qyzmetkerleri birden oqıǵa ornyna bardy.

«Anyqtalǵandaı, jábirlenýshi aýdan mektepteriniń birinde qyzmet isteıdi. Atalǵan derek Qylmystyq Kodekstiń 105-baby 1 bóligi «Ózin-ózi óltirýge deıin jetkizý» boıynsha tirkeldi.

Qajetti tergeý áreketteri júrgiziledi jáne bolǵan oqıǵanyń barlyq mán-jaıy anyqtalady», -delingen vedomstvo habarlamasynda.

Jábirlenýshige qatysty sot-medıtsınalyq saraptama taǵaıyndaldy. Sotqa deıingi jan-jaqty tergeý júrgizilip jatyr.