Saryaǵashtaǵy 5 jasar qyzdyń ólimi: Kúdikti ómir boıyna bas bostandyǵynan aıyryldy
Túrkistan oblystyq qylmystyq ister jónindegi mamandandyrylǵan aýdanaralyq soty Saryaǵashtaǵy 5 jasar qyzdyń ólimine qatysty isti qarady.
Oqıǵa 13-shilde kúni bolǵan. Kúdikti spırttik ishimdik ishken mas halde óziniń úıine kele jatyp, jynystyq nápsi qumarlyǵyn qanaǵattandyrý úshin oınap júrgen 5 jastaǵy qyzdy aýlasyna aldap kirgizgen. Sodan, kúsh qoldaný arqyly jas balaǵa seksýaldyq sıpattaǵy zorlyq-zombylyq áreketterdi jasaǵan. Odan ári, asa aýyr qylmysyn jasyrý úshin qyzdy ashana pyshaǵymen kókiregi men ish-aýmaǵynan birneshe ret shanshylap-keskilep óltirgen.
Sot úkimi Shymkent qalasy Sáýle yqshamaýdanynda ornalasqan ICh-69 mekemesinde oqyldy.
48 jastaǵy sottalýshy «Adam óltirý» jáne «Seksýaldyq sıpattaǵy zorlyq-zombylyq áreketteri» baby boıynsha kináli dep tanylyp, qalǵan ómirin temir tordyń ar jaǵynda ótkizetin boldy. Sondaı-aq, oǵan kastratsııa jasalyp, 100 mln teńge kóleminde moraldyq ótemaqy tóleýge mindetteldi.
Eske salsaq, Túrkistan oblysynyń Saryaǵash aýdanynda 5 jasar qyz bala kisi qolynan qaza boldy. Prezıdent Bas prokýratýra men Іshki ister mınıstrligine qaıǵyly oqıǵanyń mán-jaıyn muqııat tekserýdi tapsyrǵan bolatyn.
Pyshaq jaraqatynan qaıtys bolǵan qyzdyń denesi sot-medıtsınalyq saraptamadan ótkennen keıin 14 shilde kúni jerlendi.
Keıinirek qyzdy zorlady degen kúdiktiniń munyń aldynda adam óltirip, 10 jyl túrmede otyryp kelgeni málim boldy.
Osy is boıynsha salǵyrttyq tanytqan probatsııa qyzmetkerlerin tekserý bastaldy.
Túrkistan oblysynyń ákimi kisi qolynan qaza tapqan 5 jasar qyzdyń otbasynda bolyp, týystaryna kóńil aıtty.
Kúdiktini 2 aı merzimge kúzetpen ustaý túrindegi bultarpaý sharasy sanktsııalandy.
Túrkistan oblysy Saryaǵash aýdandyq sotynyń tóraǵasyn qyzmetinen bosatý týraly másele qozǵaldy.
