«Saryarqa» hokkeı klýby memleket menshigine qaıtaryldy

QARAǴANDY. KAZINFORM – Qaraǵandy prokýratýrasy zańsyz berilgen 37 jer telimin, sondaı-aq quny 900 mıllıon teńgeni quraıtyn «Saryarqa» hokkeı klýbyn memleket menshigine qaıtardy.

Qazir prokýrorlar memlekettik múlikti jekeshelendirýdiń zańdylyǵyn tekserip jatyr.

«Memlekettiń ekonomıkalyq múddelerin qalpyna keltirý maqsatynda zańsyz alynǵan jáne jekeshelendirilgen barlyq memlekettik múlikke qatysty prokýrorlyq qadaǵalaý jáne den qoıý sharalary qabyldanatyn bolady», — dep jazdy baqylaýshy organnan.

Aıta keteıik, 2023 jylǵy 12 shildede Memleket basshysy «Zańsyz ıemdenilgen aktıvterdi memleketke qaıtarý týraly» Zańǵa qol qoıdy.

Negizgi mindetter zańsyz alynǵan múlikti anyqtaý jáne memleketke qaıtarý, sondaı-aq ekonomıkalyq resýrstardyń zańsyz shoǵyrlanýyna jáne múlikti zańsyz alyp qoıýǵa yqpal etken sebepter men jaǵdaılardy anyqtaý bolyp tabylady.