Sarapshy saılaý mádenıeti týraly aıtty
«Kez kelgen saılaý – azamattyq jaýapkershilik. Saılaýǵa qatysý úshin ózimiz qaı ýchaskege qaraıtynymyzdy eGov.kz portalynan da, ákimdik saıtynan da tekserip aldyq. Ol týraly SMS-habarlamalar da keldi. Búgin tańerteń daýys berýge barǵanda baıqaǵanym, volonterler kóp júr. Olar qys mezgili bolǵanyna qaramastan dalada turyp jumys isteýde. Olar bizge jol kórsetip, qaı jerden kirip, qaı jerde daýys beretinimizge baǵyt-baǵdar berip turdy. Saǵat 08:20-da saılaý ýchaskesine barǵan kezde ol jerde ájeptáýir adam jınalyp qalǵanyn kórdim. Bir adam saılaý ýchaskesin shatastyryp alypty. Ol óz ýchaskesi qaıda ekenin anyqtap, sol jaqqa qaraı ketti. Bul da – azamattyq jaýapkershilik», - deıdi Qazaqstan strategııalyq zertteýler ınstıtýtynyń bólim basshysy Alýa Joldybalına.
Al «Team Qazaqstan» jastar qozǵalysynyń kóshbasshysy Ashat Sadyrbaı saılaý ýchaskelerinde barlyq sanıtarlyq talaptar saqtalǵandyǵyn aıtty.
«Osyndaı qıyn kezeńge qaramastan sanıtarlyq talaptardy saqtaı otyra saılaýdy uıymdastyryp jatqan uıymdastyrýshylardy jumysyn erekshe aıtyp ótý kerek. Saılaý ýchaskesine kirgen kezden bastap dene qyzýymyzdy ólshep, qolymyzǵa medıtsınalyq qolǵap berdi jáne áleýmettik araqashyqtyq saqtalýyn qadaǵalady. Men tańerteń saılaýǵa barǵanda daýys berý jáshigi ortasyna deıin tolyp qalǵan, ıaǵnı saılaýǵa kelýshilerdiń sany tańnan beri kóp bolǵandyǵyn bildiredi. Saılaý mádenıeti durys baǵytqa qaraı qalyptasyp kele jatyr», - deıdi ol.
Eske sala ketsek, buǵan deıin Sailau Talks-2021 sarapshylary ótip jatqan saılaýdyń mańyzdylyǵy talqylaıtynyn jazǵan bolatynyz.
Іs-sharany Qazaqstan saıası ǵylymdar qaýymdastyǵy «QazAqparat» Halyqaralyq aqparat agenttiginiń qoldaýymen uıymdastyryp otyr.
