Sarapshy:«Nur Otan» partııasynyń saılaýaldy baǵdarlamasy Túrkistan oblysyndaǵy ózekti máselelerdi sheshedi
Sarapshy árbir partııanyń basty strategııalyq qujaty – saılaýaldy baǵdarlamasy dep esepteıdi. Bul rette «Nur Otan» partııasynyń 5 jyldyń saılaýaldy baǵdarlamasynda Túrkistan oblysyna aıryqsha mán berilgen.
– Men saılaýshy retinde bas partııanyń baǵdarlamasyn oqyp shyqtym. Atalǵan qujatta búkil Qazaqstannyń barlyq eldimekeniniń máselesi jınaqtalǵany, saraptalǵany, zerdelengeni baıqalady. Tipti ár oblys, ár aýdan, ár aýyldyń ózekti-ózekti degen túıindi túıtkilderi qamtylǵany qýantty. Bılik partııasy elimizdiń damýyn jeti basym baǵytta júzege asyrǵaly otyr eken. Sonyń alǵashqy tarmaǵy – ekonomıkalyq turaqty aımaq. Ekonomıkasyz búginde damý joq. Mynadaı qysyl-taıań, qıyn-qystaý kezeńde álemdi dúr silkindirip otyrǵan pandemııa ýaqytynda eń birinshi maqsat – ekonomıkalyq turaqtylyqty saqtaý. Osy rette bas partııanyń eldegi kásipkerlerge qoldaý bildirý, shyǵyn jáne orta bızneske qarjylaı kómek berý, jeńildikter qarastyrý, azyq-túlik qaýipsizdigin saqtaý syndy negizgi maqsattardy júzege asyrýǵa kúsh salǵaly otyrǵany qýantady.
Ekinshi tarmaq – jaıly aımaq. «Nur Otan» partııasy bul rette jol jáne kólik ınfraqurylymyn, turǵyn úı-kommýnaldyq sharýashylyǵyn jańǵyrtýǵa, sondaı-aq qolaıly ekologııalyq jaǵdaıdy qoldaýǵa baǵyttalǵan «Qutty meken», «Aýyl – el besigi» jobalaryn júzege asyrýǵa óz úlesin qosqaly otyr. Atap aıtsaq, Túrkistan oblysyndaǵy joldardyń sapasyn jaqsartý, Túrkistan qalasyndaǵy halyqaralyq áýejaı qurylysynyń 1-kezeńin bıyl aıaqtap, al 2024 jyly 2-kezeńin aıaqtaýdy baqylaýda ustaıdy. 2023 jyly Túrkistan qalasynda jańa temir jol vokzalynyń qurylysyn bastaýǵa yqpal etpek. Joldar kezeń-kezeńimen jóndeledi. Nátıjesinde jaqsy jáne qanaǵattanarlyq jaǵdaıdaǵy jergilikti mańyzy bar avtomobıl joldarynyń úlesi 90 paıyzǵa deıin arttyrylmaq.
Eń mańyzdy da, ózekti dúnıe – halyqty taza aýyz sýmen qamtý. «Nur Otan» partııasy 2025 jylǵa deıin oblys halqyn sapaly aýyz sýmen qamtamasyz etý máselesin tolyǵymen sheshýdi josparlap otyr.
Túrkistan oblysyndaǵy qalalarda ortalyqtandyrylǵan sýmen jabdyqtaýǵa qol jetkizý 97,9 paıyz, al aýyldyq eldimekenderde 82,5 paıyzdy quraıdy eken. Ol úshin «Nur Otan» partııasy aýyldyq okrýgter men aýdandarda sýmen jabdyqtaýdyń 49 nysanyn salýǵa kúsh salýdy josparlap otyr. 12 eldi mekende sýmen jabdyqtaý jelilerin qaıta jóndeýge yqpal etedi (bul 25 714 turǵyndy qamtıdy). Nátıjesinde qalalar men aýyldyq eldi mekender turǵyndarynyń taza aýyz sýmen jabdyqtaý qyzmetterine qol jetimdiligi artady.
«Nur Otan» partııasy munan bólek, oblysty gazdandyrýdy tolyǵymen qoldaıdy. Oblys ortalyǵyn gazdandyrý halyqaralyq mańyzy bar «Beıneý-Bozaı» gaz qubyryn paıdalanýǵa berýden bastaldy. Qazirgi tańda 423 eldi meken nemese 1,3 mln adam tabıǵı gazben qamtamasyz etilgen. «Nur Otan» partııasy Túrkistan qalasyn tabıǵı gazben qamtamasyz etý boıynsha jumystardy aıaqtaýǵa baryn salǵaly otyr. Aýdandar men qalalardyń ortalyq jylý qazandyqtaryn qatty otynnan gazǵa kóshirýge kúsh salmaq. Aýyldyq eldimekenderdi gazben jabdyqtaý deńgeıin 2021 jyly 54,1 paıyzdan 2025 jylǵa qaraı 69 paıyzǵa deıin arttyrýǵa yqpal etpek. Eger bul maqsat – mindet tolyq oryndalsa, Túrkistan qalasy tabıǵı gazben tolyq qamtamasyz etiletin bolady. Oblys ortalyǵy úshin bul úlken jańalyq ekeni sózsiz. Qoryta aıtqanda, «Nur Otan» partııasy halyqtyń muń-muqtajyna qulaq asatyn, qıyn-qystaý kezeńderde qoldaý bildiretin naǵyz halyqshyl partııaǵa aınalǵanyn baıqadyq, – deıdi professor.
«Nur Otan» partııasy Túrkistan oblystyq fılıalynyń baspasóz qyzmeti
Materıal «Nur Otan» partııasy Túrkistan oblystyq saılaý qory qarjysy esebinen jarııalandy
