Sara Nazarbaeva Ulttyq gospıtalde em alyp jatyr

ALMATY. KAZINFORM – Bul týraly Qazaqstan Prezıdentiniń Іs basqarmasy Medıtsınalyq ortalyǵynyń Ulttyq gospıtali agenttik saýalyna bergen jaýabynda habarlady.

Mekeme dırektory Ashat Bralovtyń jaýabyna sáıkes, naýqas medıtsınalyq kómek kórsetýdiń bekitilgen standarttaryna sáıkes jáne bilikti mamandardyń baqylaýymen em alyp jatyr.

Sondaı-aq Ashat Bralov Qazaqstan Respýblıkasynyń qoldanystaǵy zańnamasyna sáıkes, patsıenttiń dıagnozyna, densaýlyq jaǵdaıyna, emdeý ádisteri men nátıjelerine qatysty málimetter dárigerlik qupııaǵa jatatynyn atap ótti.

- Mundaı derekterge tek patsıenttiń kelisimimen nemese zańda kózdelgen ózge de negizder negizinde qol jetkizýge bolady. Sondaı-aq medıtsınalyq etıka jáne kásibı jaýapkershilik qaǵıdattaryna sáıkes medıtsınalyq uıymdar derbes medıtsınalyq derektermen jumys isteý kezinde qupııalylyq rejımin qatań saqtaýǵa mindetti. Aqparatty jarııa etpeý týraly sheshim onyń jeke ómirine, jeke ómirin qurmetteýge jáne emdeý protsesine yqtımal aralasýdan qorǵaýǵa zańdy quqyqtaryn qamtamasyz etý maqsatynda patsıenttiń múddesi úshin ǵana qabyldandy, - dedi medıtsınalyq mekeme dırektory.

Eske salaıyq, buǵan deıin BAQ-ta Nursultan Nazarbaevtyń jary Sara Alpysqyzynyń ómirden ozǵany týraly aqparat taraǵan bolatyn. Tuńǵysh Prezıdenttiń baspasóz hatshysy Aıdos Úkibaı bul derektiń shyndyqqa janaspaıtynyn habarlady.