Sara Nazarbaeva sáýirden beri Almatyda em qabyldap jatyr – Úkibaı

ALMATY. KAZINFORM –  Áleýmettik jeliler men keıbir BAQ-ta Sary Nazarbaevanyń densaýlyǵy men qazirgi jaǵdaıyna qatysty túrli aqparat tarap jatyr.

Qazaqstannyń tuńǵysh Prezıdenti Nursultan Nazarbaevtyń baspasóz hatshysy Aıdos Úkibaı osyǵan baılanysty resmı túsinik berdi.

– Sara Alpysqyzy Nazarbaeva sáýir aıynan bastap Almaty qalasyndaǵy Prezıdent Іs basqarmasy Medıtsınalyq ortalyǵyna qarasty Ulttyq gospıtalde em qabyldap keledi. Barlyq medıtsınalyq shara bekitilgen standarttarǵa saı jáne otandyq mamandardyń baqylaýynda júzege asyrylyp jatyr, - dedi Aıdos Úkibaı.

Ol sondaı-aq BAQ ókilderi men áleýmettik jeli qoldanýshylaryn Sara Nazarbaevanyń esimin tekserilmegen aqparatpen baılanystyrmaýǵa, negizsiz paıym taratpaýǵa úndedi.

– Málimetterdi tek resmı derekkózderden alýlaryńyzdy suraımyn, - dedi Úkibaı.

Eske salaıyq, bıyl jazda BAQ-ta Nursultan Nazarbaevtyń jary Sara Nazarbaevanyń ómirden ozǵany týraly aqparat taraǵan bolatyn. Tuńǵysh Prezıdenttiń baspasóz hatshysy Aıdos Úkibaı bul derektiń shyndyqqa janaspaıtynyn habarlady.

Keıinirek Sara Nazarbaevanyń Ulttyq gospıtalde em alyp jatqany belgili boldy.