SAQ jobasyna qatysýshylar tekseristen ótti

ASTANA. KAZINFORM – Astanadaǵy №101 orta mektepten órt shyqty. Balalar tez arada ǵımarattan qashyp úlgerdi. Muǵalimder men oqýshylardyń tótenshe jaǵdaıǵa ázirligin tekserýge arnalǵan oqıǵa jelisi osylaı órbidi.

Сақ
Фото: Видеодан алынған кадр

Jibek joly arnasy jazǵandaı, tilsiz jaý tutquıyldan soqqanda tez áreket etý kerek ekenin balalar jaqsy túsinedi. Sondyqtan dabyl qosylǵan boıda bári dalaǵa shyqty.

Al, olardyń daıyndyǵyn pysyqtaý úshin Saravan knowledge korporatıvtik qory byltyr SAQ jobasyn iske qosqan edi. Arnaıy oqýdan 200-den asa muǵalim ótti. Solardyń biri — Gúlnur Tólegenova.

— ​Oqý jylǵa sozyldy. Birneshe modýl boıynsha daıyndaldyq. Onlaın ári oflaın bilim alýǵa bolady. Úırengenimiz de, úırenerimiz de kóp, — deıdi ol.

Joba «Shevron» kompanııasynyń qoldaýymen, Ulttyq eriktiler jelisiniń ázirleýimen iske qosylǵan. Mektepte órt bolǵan jaǵdaıda, oqýshylar standart boıynsha 6 mınýtta ǵımarattan shyǵyp úlgerýi kerek. Al, bul jolǵy oqý-jattyǵý kezinde kórsetkish 5 mınýtqa da jetpedi. ıAǵnı, SAQ-ty oqyp, saqtyqqa úırengender kez kelgen apatqa daıyn.

— ​Esterińizde bolsa, 2024 jyly Almatyda sý tasqyny men jer silkinisi boldy. Sol kezde daıyndyqty kúsheıtý kerek ekenin túsindik. Sodan seriktesterimizben jańa joba jasap, oıymyz iske asty. Qazir arnaıy standarttardy meńgerý úshin oqýshylar men muǵalimderge jaǵdaı jasaýdamyz, — deıdi «Shevron» kompanııasynyń áleýmettik ınvestıtsııalar boıynsha keńesshisi Leılá Aıtmuhanova.

SAQ jobasy oqytýdyń ınnovatsııalyq komponentterin engizýmen erekshelenedi. Zamanaýı tsıfrlyq tehnologııalardy paıdalaný oqýshylar men muǵalimderge materıaldy jaqsyraq túsinip, ıgerýge kómektesti.

Aıta keteıik, Almatyda 6 qabatty ákimshilik ǵımaraty órtendi.

Сейчас читают