Sapasyz jolda apatqa ushyraǵan adam memleketten aqsha óndire ala ma

Úkimet otyrysynan keıin ótken baspasóz máslıhatynda Іshki ister vıtse-mınıstri Marat Qojaev sapasyz joldyń kesirinen apatqa ushyraǵan júrgizýshilerdiń keıbiri memleketten kelgen shyǵyndy óndirip alǵanyn aıtty, dep habarlaıdy QazAqparat tilshisi.

 

«Kólik júrgizýshisi jaman jolda apatqa túsip, máshınesi jaramsyz bolyp qalsa, memleketten sot arqyly aqsha óndire ala ma?», - dep surady jýrnalıst vıtse-mınıstrden.

Marat Qojaevtyń aıtýynsha, bul múmkin. Tek ol úshin apattyń naqty jol sapasyzdyǵynan bolǵanyn dáleldeý kerek.

«Árıne, jol-kólik oqıǵasynyń sebebi joldyń jaǵdaıyna qatysty ekeni dáleldense, sonyń kesirinen júrgizýshide apattyń aldyn alýǵa múmkindik bolmasa, sotqa azamattyq negizde shaǵym túsire alady. Ondaı faktiler bolǵan jáne múlkine kelgen zalaldy óndirip alǵandar bar. Qazir olardyń naqty sanyn aıta almaımyn», - dedi vıtse-mınıstr.