«Sapaly bilim sanmen ólshenbeıdi» - respýblıkalyq basylymdarǵa sholý

ASTANA. 24 tamyz. QazAqparat - Qazaq aqparat agenttigi 24 tamyz, sársenbi kúni respýblıkalyq basylymdarda shyqqan ózekti materıaldarǵa sholýdy usynady.

***

«Egemen Qazaqstan» basylymynyń búgingi sanynda «Halyqtyq IPO: oǵan kimder qatysady?» atty maqala basyldy. Maqalaǵa Premer-Mınıstr Kárim Másimovtiń tóraǵalyq etýimen ótken Úkimet otyrysynda kóterilgen máseleler arqaý bolǵan. Ekonomıkalyq damý jáne saýda mınıstrliginiń málimetterine súıensek, bú­gin­de «Halyqtyq ІRO-ǵa» «Qaz­TransOıl» AQ pen «KEGOK» AQ daıyn dep iriktelingen. ІRO-ǵa úmitker kompanııalardy osy úde­riske daıyndaý negizgi 3 bólimnen turady. Atap aıtqanda, aldyn ala daıyndyq, aktsııalardy or­na­lastyrýǵa daıyndyq júrgizý, so­nymen qatar aktsııalardy orna­las­tyrý sharalary belgilenip otyr. Al halyq arasynda júr­gi­zilgen saýalnama nátıjesine sáı­kes turǵyndar tarapynan aǵym­daǵy ІRO-ǵa suranys 100-200 mln. AQSh dollaryna baǵa­lan­ǵan.

Sondaı-aq atalmysh basylymnyń jazýynsha, «Sapaly bilim sanmen ólshenbeıdi» atty maqala basyldy. Onda keshe ǵana elordada ótken bilim salasy qyzmetkerleriniń dástúrli tamyz konferentsııasyndaǵy máseleler jóninde jazylǵan. Bilim jáne ǵylym vıtse-mınıstri Serik Yrsalıevtyń málimetterinshe, Qazaqstanda bilim berý sala­sy­na mamandardy daıarlaıtyn joǵa­ry oqý oryndarynyń sany qys­qar­tylady. Son­daı-aq pedagogıkalyq ma­man­­dyq­tarda oqıtyn stýdentterge shá­kirtaqyny eki esege kó­beıtý josparlanyp otyr. Al pedagogıkalyq ma­man­dyq­tarǵa granttardyń sany 35-50 paıyzǵa arttyrylady. Bul jaıly «Egemen Qazaqstan» basylymynyń búgingi sanynan bilýge bolady.

***

«Aıqyn» basylymy búgingi sanynda «Nur Otan» jáne «Hannara» partııalyq baılanystar tabysqa bastaıdy» atty maqala jarııalady. Basylymnyń habarlaýynsha, Qazaqstan Respýblıkasy men Ońtústik Koreıa Respýblıkasy - strategııalyq áriptester. Mundaı izgi qarym-qatynasty eki eldiń basshylary - Qazaqstan Prezıdenti Nursultan Nazarbaev pen Ońtústik Koreıa Prezıdenti Lı Men Bak berik qalyptastyrdy. Qos memleket energetıka, kólik, telekommýnıkatsııa tehnologııasy, munaı ónerkásibi, mashına ónerkásibi, atom energetıkasy jáne qurylys salalary boıynsha yntymaqtastyq týraly mańyzdy qujattarǵa qol qoıǵan. Mádenıet pen bilim salalary boıynsha da túrli baılanystar damyp keledi. «2010 jyly Ońtústik Koreıa Respýblıkasynda Qazaqstan jyly tabysty ótti, al ústimizdegi jyly qazaqstandyqtar Ońtústik Koreıa Respýblıkasynyń jyly aıasynda ózimizge bir taban jaqyn halyqtyń baı mádenıetimen jan-jaqty ári tereń tanysty»,-dep jazady basylym Bul týraly «Aıqynnyń» búgingi sanynda.

Atalmysh basylymnyń habarlaýynsha, qazirgi kezdegi adam saýdasy kóshi-qon problemalarymen tyǵyz baılanysty bolyp otyr. Sonymen qatar jezókshelikke tartý, jumysqa paıdalaný úshin adamdar saýdaǵa salynady. BUU-nyń adam quqy jónindegi jumys toby 1980 jyldan beri álemde adam urlanýdyń 50 myńǵa jýyq oqıǵasyn zerttegen. Toptyń jetekshisi Djeremı Sarkınniń aıtýynsha, álemde áıelder men balalar kóp urlanady eken. Urlanǵan áıelder, negizinen, seksýaldyq zorlyqqa ushyraıdy. Balalarǵa keler bolsaq, olardy quldyqqa satý úshin urlaıdy. Bul másele týraly «Aıqyn» basylymynyń búgingi sanyndaǵy «Adam saýdasyna qarsy aktsııa» atty maqalada.

***

«Alash aınasy» basylymynyń búgingi sanynda «Kaspııdi qazaq jalǵyz qorǵaı ala ma?» atty maqala jaryq kórdi. Basylymnyń jazýynsha, bes birdeı memlekettiń tirligine bereke kirgizip otyrǵan Kaspıı teńizi jaqyn bolashaqta jer betinen joıylyp ketýi múmkin. Óıtkeni qansha jerden aıtylyp, másele kóterilip júrse de, teńiz tabanynan tabylǵan kómirsýtekti shıkizattyń mol qoryn ıgerý úshin júrgizilip jatqan barlaý-baqylaý, óndiris jumystary kezinde ekologııalyq talaptar qajetti deńgeıde saqtalmaı otyr.

Sondaı-aq basylymnyń jazýynsha, Petropavldaǵy júrgizýshiler bir aptadan beri qoldaryna shelek alyp, janarmaı izdeýge májbúr. Jalǵyz bul qalada emes, biraz jerde janarmaı daǵdarysy bastalyp ketkendeı. Ótken aptadan beri Almatydaǵy iri beketter janarmaıdyń AI-92 jáne AI - 80 markalaryn talonmen satýdy bastady. Tipti munaıshylar mekeni Aqtaýdyń ózinde talonǵa kóshken. Sarapshylar búkil el aýmaǵynda janarmaı daǵdarysy bastalýy múmkin dep jandyrta túsýde. Búginde qoǵam arasynda qyzý talqylanyp júrgen bul másele jóninde «Alash aınasy» basylymynyń búgingi sanyndaǵy «Deldel barda janarmaı naryǵy qaryq bolmaıdy» atty maqaladan bilýge bolady.

***

«Kazahstanskaıa pravda» basylymynyń jazýynsha, qazaqstandyqtar aldaǵy ýaqytta dári-dármekterdi tolyqtaı memlekettiń esebinen tutynatyn bolady. 2011-2015 jyldarǵa arnalǵan «Salamatty Qazaqstan» baǵdarlamasynan osyndaı nátıje kútilýde. Sebebi memlekette ambýlatorııalyq dári-dármekpen qamtamasyz etý salasyn jetildirýdiń álemdik tájirıbege negizdelgen naqty jospary bar.

Bul jospar jóninde «Kazahstanskaıa pravda» basylymynyń búgingi sanyndaǵy «Pravo vybora ı ravnyı dostýp» atty maqaladan bilýge bolady.