Sanjar Táshkenbaı álem chempıonaty jartylaı fınalynda kýbalyq qarsylasyn jeńdi

ASTANA. KAZINFORM — Sanjar Táshkenbaı (50 keli) Anglııanyń Lıverpýl qalasynda World Boxing aıasynda ótip jatqan álem chempıonaty fınalyna joldama aldy.

Otandasymyz jartylaı fınalda kýbalyq Alehandro Klaro Fızmen qolǵap túıistirgen edi. Tájirıbeli qarsylasyn qapy qaldyrǵan qazaqstandyq bylǵary qolǵap sheberi fınalǵa shyqty.

Aıta ketsek, budan buryn Nazym Qyzaıbaı (48 keli) fınalǵa shyqty.

Endi el quramasynan Mahmud Sabyrhan (55 keli), Alýa Balqybekova (51 keli), Tórehan Sabyrhan (70 keli), Natalıa Bogdanova (70 keli) fınal joldamasyn sarapqa salady.
Sondaı-aq ondaı múmkindikke 12 qyrkúıekte Aıda Ábikeeva (65 keli). Aıbek Oralbaı (90 keliden joǵary) ıek boldy.

Al Vıktorııa Grafeeva (60 keli) men Eldana Tálipova (80 keliden joǵary) qola júldeni qanaǵat tutty.

Dúbirli doda 4-14 qyrkúıek aralyǵynda Anglııanyń Lıverpýl qalasynda ótedi. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.

Álemniń ár qıyrynan kelgen boksshylar 4-10 qyrkúıek aralyǵynda irikteý kezeńinde baq synaıdy. Al 12-13 qyrkúıekte jartylaı fınaldyq, 13-14 qyrkúıekte fınaldyq básekeler ótedi.