Sanjar Boqaev ustaldy
ASTANA. KAZINFORM — Búgin, qylmystyq is boıynsha tergeý áreketterin júrgizý aıasynda Almaty qalasynyń aýmaǵynda QR QPK-niń 128–131-baptarynyń tártibimen Sanjar Boqaev ustaldy. Bul týraly Bas prokýratýranyń baspasóz qyzmeti habarlady.
Sanjar Boqaev jalǵan aqparat taratý jáne qoǵamda teris pikir qalyptastyrý maqsatynda áleýmettik jelilerde jekelegen tulǵalardyń qoǵamdyq saıabaq aýmaǵynda aǵashtardy zańsyz kesýi jáne qurylys nysandarynan múlik urlaýy týraly beınematerıaldardy ornalastyrdy degen kúdikke ilindi.
Tergeý derekterine sáıkes, Sanjar Boqaev atalǵan qylmystardy uıymdastyryp, qarjylandyrǵan. Ol úshin tabysy tómen adamdardy tartyp, olarǵa aqshalaı syıaqy berý arqyly aǵash kesý men urlyq jasaýǵa tapsyrma bergen.
Sondaı-aq, ol asa iri mólsherde qarjy qarajatyn alaıaqtyq jolmen jymqyrdy degen kúdikke ilinip otyr.
Ózge aqparat QPK-niń 201-babyna sáıkes jarııa etýge jatpaıdy.
Aıta ketelik transulttyq esirtki shemasy áshkerelenip, 40 adam ustalǵan edi.