Sanktsııanyń Qazaqstanǵa «salqyny» tıe me - baspasózge sholý

ASTANA. QazAqparat - «QazAqparat» halyqaralyq aqparattyq agenttigi 1 tamyz, juma kúngi respýblıkalyq buqaralyq aqparat quraldarynda jaryq kórgen ózekti materıaldarǵa sholýdy usynady.

*** «Egemen Qazaqstan» gazeti búgingi sanynda áıgili jazýshy Berdibek Soqpaqbaevtyń 90 jyldyǵyna oraı tolymdy maqala jarııalady.

"Shynynda, sol beren talant bıylǵy jazda 90 jasqa tolǵaly otyr. Jyr jampozy Muqaǵalı Maqataev: «Jyldar ótedi, jańa urpaq keledi, bizdiń árqaısysymyzdy solar óz ornyna qoıady. Men óz jaıymda mynany aıtamyn. Men HHІ ǵasyr urpaqtarynyń qurdasymyn, bálkim, odan da áridegi urpaqtyń týy­symyn da», degen eken. Bul sózdi Berdibek Soqpaqbaevqa da ortaq desek, oryndy bolar", - dep jazady basylym "Aqıqattyń adamy" atty maqalasynda. "Mundaı abyroı-bedelge tek dara talant ıeleri, alyptar shoǵyry ǵana jetse kerek. Sondaı halqynyń júregi­nen, ásirese, jas urpaqtyń oıynan oıyp turyp oryn alǵan, keremet shyǵar­ma­larymen, kelistirip sýrettegen keıipkerlerimen birge jasasyp kele jatqan, tuǵyry myqty tulǵa Berdibek Soqpaqbaevtyń óz oqyrmandarymen taǵy bir qaýyshatyn jyly bıylǵy jyl. Jazýshynyń qaı shyǵarmasyn alsań da ózi ómir súrgen qoǵamnyń kesir-kesapatyn búkpeı aıtyp, kerek jerinde ájýamen jetkizip, balanyń sózi ǵoı degizgenimen, astaryna úńilseń zaman aqıqaty, adamdardyń qıly minezi, pendeligi oılantyp tastaıdy. Qalam­ger­diń shaǵyn áńgimesinen bas­tap, romanyna deıingi búkil dúnıesiniń aıtpaǵy shyn­dyqtyń shyraıy, aqıqatty aqtań­daqqa aınaldyrmaıyq degen túpki baı­lamy kósh jerden menmundalap turady».

***

"Aıqyn" basylymynda búgin "Sanktsııanyń Qazaqstanǵa "salqyny" tıe m e " degen taqyryppen maqala jarııalandy.

"Eger Máskeý Ýkraınany bólshektegisi kelip jatqan jasaqshylardy qoldap, olardy qarýmen qamtamasyz ete beretin bolsa, sanktsııanyń salalary taǵy da keńeıe ber­mek. Desek te, sońǵy birer kúnde jarııalan­ǵan sanktsııanyń ózi Reseıge asa aýyr tıeıin dep turǵan syndy. Eýroodaq­tyń esebinshe, osy qoldanylǵan sharalardan Reseı 100 mıllıard dollardyń ústinde zııan shekpek. Biraq bul áli basy bolsa kerek. Ary qaraı jaǵdaı tipti qıyndaı bermek", - dep jazady gazet atalmysh materıalda.

"Reseı osyndaı halge dýshar bolyp jatsa, onymen seriktes, odaq­tas (Kedendik odaq, Eýra­zııa­lyq ekono­mıkalyq odaq) bolyp otyrǵan ózge TMD-nyń elderi ne bolmaq? Sonyń ishinde Qazaq­stannyń hal-kúıi she? Óıtkeni Reseıge qarsy iske asa bastaǵan qarjylyq, ekono­mı­kalyq hám kómirsýtegi salasyna baıla­nysty sanktsııa Qazaqstanǵa áser etpeıdi dep tompıyp otyra berýge bola ma?", - deıdi basylym.

Keńes zamanynda kelmeske ketken MTS-ter qaıta jańǵyrtylmaq. Bul týraly "Aıqyn" gazeti kezekti maqalasynda jazyp otyr.

«Ár aýyldyń aınalasynda eski traktorlar men tehnıkalar tot basyp, úıilip jatyr. Tutas molalar... Onda balalar oınaıdy. Sonda aparyp, qoqystardy laqtyrady. Munymen kim aınalysady?

Kim olardy tazalap, ornyn kógaldandyrady?» Osydan birneshe jyl buryn senatorlar Úkimetke osyndaı saýal qoıyp, suraý salǵan bolatyn. Endi Keńes kezinen qalǵan, kóńildi qulazytqan bul kórinister kelmeske ketýi múmkin. Keshe el Úkimeti Qazaqstandaǵy MTS-terdi qaıta jańǵyrtatyndaryn jarııa etti. Bul málimetti Prezıdent janyndaǵy Ortalyq kommýnıkatsııalar ortalyǵyndaǵy jýrnalıstermen kezdesýde «QazAgro» hol­dın­gi basqarma tóraǵasynyń orynba­sary Qaırat Aıtýǵanov habarlady", - delingen "Kredıt-buqa kóz qurtyna aınaldy" atty maqalada.

*** Germanııa fýtboldan álem chempıonatynyń arqasynda syra ishýden rekord ornatyp otyr, dep jazady "Ekspress K" basylymy.

"Germanııa turǵyndary 2014 jyldyń maýsym aıynda 10 mln. gektolıtrge jýyq syra iship qoıǵan. Bul týraly federaldyq statıstıkalyq vedomstvo habarlady. Vedomstvonyń aqparatyna sáıkes, buǵan Brazılııada bastaý alǵan fýtboldan álem chempıonaty túrtki bolǵan. Osy aıdyń ishinde aınalym 14 paıyzǵa artqan jáne 9,7 mln. gektolıtrge deıin ósken. Bul 2010 jylǵy maýsym aıyndaǵy nátıjemen parapar", - delingen maqalada.