Sanıtarlyq-epıdemıologııalyq tekserýge jatatyn ónimder men nysandar tizimi jańartyldy
ASTANA. KAZINFORM – Densaýlyq saqtaý mınıstrligi sanıtarııalyq-epıdemıologııa salasyndaǵy memlekettik baqylaýǵa jáne qadaǵalaýǵa jatatyn ónimder men epıdemııalyq mańyzy bar obektilerdiń tizbesine ózgerister engizdi.
Vedomstvonyń 2025 jylǵy 7 naýryzdaǵy buıryǵyna sáıkes, epıdemııalyq mańyzdy ónimderge qurylys shıkizaty men gıgıenalyq normalar normatıvtik quqyqtyq aktilerdiń talaptarymen kózdelgen materıaldar kiredi.
Epıdemııalyq mańyzy bar obektilerge ne jatady:
- uıymdasqan toptardaǵy qoǵamdyq tamaqtandyrý jáne saýda obektileri (mektepke deıingi tárbıe men oqytý obektileri, balalar úıleri, balalar men jasóspirimderdi oqytý men tárbıeleý obektileri, ınternattar, saýyqtyrý jáne sanatorııalyq mekemeler, densaýlyq saqtaý obektileri, ońaltý ortalyqtary, medıtsınalyq-áleýmettik ońaltý obektileri: pansıonattar, saýyqtyrý ortalyqtary, ónerkásiptik-saýyqtyrý ortalyqtary, vahtalyq qyzmet kórsetý obektileri, ónerkásiptik lagerler qurylysy);
- densaýlyq saqtaý mekemeleri:
ambýlatorııalyq-emhanalyq kómektiń barlyq kishi túrlerin kórsetý, konsýltatsııalyq-dıagnostıkalyq kómek kórsetý;
- statsıonarlyq jáne statsıonardy almastyratyn medıtsınalyq kómektiń barlyq kishi túrlerin kórsetý;
- stomatologııalyq qyzmet kórsetý;
- eńbekke ýaqytsha jaramsyzdyq pen kásibı jaramdylyq saraptamasyn qamtamasyz etetin densaýlyq saqtaý mekemeleri;
- donorlyq, qandy, onyń komponentterin daıyndaý jáne qan ónimderin óndirý salasynda qyzmetin júzege asyratyn densaýlyq saqtaý uıymdary jáne basqa da uıymdar.
Sonymen qatar qorshaǵan ortaǵa jáne adam densaýlyǵyna áser etetin obektilerdiń sanıtarlyq-qorǵaý aımaqtaryna qoıylatyn sanıtarııalyq-epıdemıologııalyq talaptaryna da ózgerister engizildi. Sanıtarııalyq qaǵıdalarǵa sáıkes 1-2 qaýiptilik klastaryna jatatyn qyzmet túrleri sanıtarlyq-epıdemıologııalyq tekserýge jatady. Onyń ishinde:
- ónerkásiptik maqsattaǵy ǵımarattar men qurylystarda ornalasqan radıoreleılik stantsııalardy jáne taratqysh radıotehnıkalyq obektilerdi qospaǵanda, statsıonarlyq taratatyn radıotehnıkalyq obektiler (baılanys, radıobaılanys, radıohabar taratý, teledıdar, radıolokatsııalyq jáne radıoqabyldaý), radıojıilik dıapazony 30 kılogertsten (kGts) 300 gıgagertske (GGts) deıin;
- eldi mekender men odan tys jerlerde, sondaı-aq jyljymaly obektilerde ornalasqan qurlyqtaǵy jyljymaly radıobaılanys, teńiz, ózen jáne áýedegi jyljymaly radıobaılanys.
Odan bólek zerthanalar da jatady:
- patogendik I-IV toptaǵy patogendi bıologııalyq agenttermen jumys isteý;
- Zańnyń birinshi sanattaǵy ruqsattar (lıtsenzııalar) tizbesiniń 15-tarmaǵynda kózdelgen kishi túrler boıynsha zerthanalyq dıagnostıkany júrgizý.
Buıryq 2025 jylǵy 24 naýryzda kúshine enedi jáne buıryq jobasymen tolyǵyraq siltemege ótip tanysýǵa bolady.
Aıta ketsek, naýryzdyń basynda bilim berý jáne densaýlyq saqtaý uıymdarynda tamaqtanýdyń standarttary ózgertilgen edi.