Sanepıdbaqylaý komıtetiniń basshysy Aıjan Esmaǵambetova QazVac vaktsınasyn saldyrdy
Vaktsınany salynar aldynda medıtsına qyzmetkeri bul eki dozaly vaktsına ekenin jáne bir quty bir adamǵa arnalǵanyn, sonymen qatar otandyq vaktsına muzdatýdy qajet etpeıtinin, +2-den 8 gradýsqa deıingi temperatýrada saqtalatynyn aıtty.
«Vaktsınatsııa – pandemııamen kúresýdiń eń tıimdi ádisi. Sondyqtan vaktsınanyń qoljetimdiligin qamtamasyz etip qana qoımaı, halyqtyń vaktsınatsııaǵa degen senimin arttyrý óte mańyzdy. Men mysal retinde vaktsınatsııanyń múldem qaýipsiz jáne tıimdi ekenin kórsetkim keldi. Biz bárimiz neǵurlym tez vaktsınatsııalansaq, soǵurlym tezirek shekteý sharalarynsyz ómirge oralamyz», - dedi A. Esmaǵambetova vaktsınatsııadan keıin.
Ol otandyq QazVac vaktsınasyn shyǵarýmen qazaqstandyqtarda vaktsına tańdaý múmkindigi paıda bolǵanyn, ony halyq belsendi paıdalanatynyn atap ótti. Búgingi tańda qazaqstandyq vaktsınany 9 myńǵa jýyq adam aldy.
«Ujymdyq ımmýnıtetti qamtamasyz etý úshin bizde halyqtyń 60% vaktsınatsııalanýy kerek. Tek osylaı ǵana vırýstyń aınalymyn toqtatýǵa bolady», - dedi komıtet basshysy.
«Bizde mundaı qamtý joq jáne vırýs aınalymy jalǵasýda. Sondyqtan, ázirge biz ujymdyq ımmýnıtetke qol jetkize almadyq, maska kıip, áleýmettik qashyqtyqty saqtaý qajet», - dep atap ótti A. Esmaǵambetova.
Eske sala ketsek, 22 sáýirde Jambyl oblysyndaǵy Bıologııalyq qaýipsizdik problemalary ǵylymı-zertteý ınstıtýtynda óndirilgen QazVac (QazCovid-in) qazaqstandyq vaktsınanyń alǵashqy partııasy jóneltildi.
26 sáýirde halyqty QazVac vaktsınasymen vaktsınatsııalaý bastaldy. Densaýlyq saqtaý mınıstri Alekseı Tsoı alǵashqylardyń biri bolyp KVI-ge otandyq QazVac vaktsınasyn egildi.
