Sandýǵash Kenjebaeva Qytaıdaǵy týrnırdiń fınalynda oınaıdy

ASTANA. KAZINFORM — Qazaqstandyq tennısshi Sandýǵash Kenjebaeva juptyq synda Maanshan (Qytaı) ITF W15 týrnıriniń fınalyna shyqty. 

Qazaqstandyq tennısshi reseılik Sofıa Lanseremen birge jarystyń 4-raketkalary bolyp tirkelgen.

Olar jartylaı fınalda dodanyń 1-raketkalary, qytaılyq ıÝtszıa Hýan — taıbeılik ıÝ-ıÝn Lı H-men kortqa shyqty.

Birinshi partııada taı-breıkte Kenjebaeva — Lansere sátti oınady — 7:6 (10:8).

Ekinshisinde qytaılyq-taıbeılik jup ese qaıyrdy — 6:4. Degenmen sýper taı-breıkte qazaqstandyq-reseılik dýet jeńisti julyp aldy — 10:6.

Tartysty ótken match 2 saǵat 9 mınýtqa sozyldy.

Sandýǵash Kenjebaeva — Sofıa Lansere sońǵy básekede jarystyń 2-raketkalary, taılyq Peangtarn Plıpýek — qytaılyq Tszıatsı Vanmen bas júldeni sarapqa salady.

Eske sala keteıik, budan buryn Ýımbldonda Elena Rybakınanyń Serena Ýılıamstiń jetistigin qaıtalaǵanyn jazǵan bolatynbyz.