Sán-saltanat salyǵy týraly bes suraqtyń jaýaby
ASTANA. KAZINFORM – QR Qarjy mınıstrliginiń Memlekettik kirister komıteti sán-saltanat salyǵyna qatysty ózekti suraqtarǵa jaýap berdi.
1. «Sán-saltanat salyǵyna» ne jatady?
Salyq kelesi múlikter men taýarlarǵa salynady:
-
quny 18 000 AEK-ten (70 mln teńgeden) joǵary avtokólikter;
-
quny 24 000 AEK-ten (100 mln teńgeden) joǵary ıahtalar men ushaqtar;
-
baǵasy 500 myń teńgeden asatyn alkogol ónimderi;
-
baǵasy 10 myń teńgeden asatyn sıgarlar;
-
ıesiniń barlyq jyljymaıtyn múlik nysandarynyń jıyntyq quny 450 mln teńgeden joǵary bolǵan jaǵdaıda (salyq salynatyn, naryqtyq emes baǵamen esepteledi).
2. «Sán-saltanat salyǵy» qalaı esepteledi?
-
Avtokólikter: 18 000 AEK-ten bastap salyq + qunynyń 10%-y mólsherinde aktsız;
-
ıAhtalar, ushaqtar: 24 000 AEK-ten bastap salyq + qunynyń 10%-y mólsherinde aktsız;
-
Baǵasy 500 myń teńgeden asatyn alkogol: salyq + lıtrine qunynyń 10%-y mólsherinde aktsız;
-
Baǵasy 10 myń teńgeden asatyn sıgarlar: salyq + danasyna qunynyń 10%-y mólsherinde aktsız;
-
Baǵasy 450 mln teńgeden asatyn jyljymaıtyn múlik: 2 mln 946 myń teńge + lımıtten asqan somaǵa 2%.
3. Birneshe páter men úı bolǵan jaǵdaıda salyq qalaı salynady?
Eger bir adamǵa tıesili páterler men úılerdiń jalpy quny 450 mln teńgeden assa, salyq mólsheri 2 mln 946 myń teńge + artyq somaǵa 2% bolady.
Al jalpy quny 450 mln teńgeden aspasa, salyq ár nysanǵa jeke esepteledi.
4. Eski avtokólikterge qandaı jeńildikter qarastyrylǵan?
-
10 jyldan asqan jeńil avtokólikterge – 30% jeńildik;
-
20 jyldan asqan jeńil avtokólikterge – 50% jeńildik.
5. Kólik quraldary salyǵynda qandaı ózgerister bar?
-
Arnaýly salyq rejımin qoldanatyn aýyl sharýashylyǵy óndirýshilerine bir pıkapqa qosymsha jeńildik beriledi;
-
31 jeltoqsan 2013 jyldan keıin ákelingen nemese satyp alynǵan avtokólikterge qoldanylǵan joǵarylatylǵan mólsherleme alynyp tastaldy;
-
Aǵymdaǵy tólemderdi esepteý joıylyp, tek jyldyq deklaratsııa tapsyrylady.
Aıta keteıik, buǵan deıin jańa Salyq kodeksi týraly jazǵan bolatynbyz.