«Samuryq-Qazyna»: Transformatsııa maqsaty – adamdardy jumystan bosatý emes
«Transformatsııalaý taqyryby sóz bolǵan árbir kezdesýde: «Transformatsııalaýǵa qansha qarjy jumsalady jáne qansha adam jumyssyz qalady?» - degen suraq qoıylady. Biraq, taǵy bir márte qaıtalaımyn: transformatsııanyń maqsaty - adamdardy jumystan bosatý emes, kerisinshe, qyzmetkerlerdiń tıimdi jumys isteýine barynsha mol múmkindik berý. ıAǵnı, qol eńbekti azaıtyp, aınalamyzdaǵy adamdarǵa qolaıly jaǵdaı jasaý», - deıdi A. Ilkıavıchıýs.
Onyń aıtýynsha, transformatsııalaý, ıaǵnı, jumysty avtomattandyrý, jaqsartý júrgizilgende, adamdar jumystan qysqarady degen túsinik burynnan kele jatyr. Alaıda, A. Ilkıavıchıýs atap ótkendeı, «Samuryq-Qazyna» bul túsinikti joqqa shyǵarǵysy keledi. «Biz árbir kompanııada bir menedjerge tıimdi jumys uıymdastyr degende, oǵan qyzmetkerlerdi jumystan shyǵar degen tapsyrma bermeımiz. Jalpy, nege transformatsııalaý jumystan bosatý degen túsinikpen astarlasyp ketti? Sebebi, jumystyń tıimdi joldaryn qarastyrýdan góri, adamdardy jumystan shyǵaryp, esep bere salý áldeqaıda ońaı emes pe? Bes adamdy jumystan shyǵaryp, olarǵa tólenetin qarjy únemdeldi dep esep bere salý, árıne, ońaı. Biraq, tıimdi jumys úshin qyzmetkerlerdi qysqartý - eń tıimsiz amal. Sebebi, jumyssyz qalǵan halyqty qaıtadan eńbekpen qamtý úshin úkimet qosymsha joldar izdeı bastaıdy, eń ary ketkende, olarǵa járdemaqy tóleýge mindetteledi», - dep túsindirgen ol bizdiń maqsatymyz bul emes degendi alǵa tartty.
Esterińizge sala keteıik, 2014 jyldyń qazanynda Memleket basshysy «Samuryq-qazyna» AQ kompanııalar tobynda resmı túrde transformatsııa bastaý týraly tapsyrma bergen bolatyn. Qazir «Samuryq-Qazynanyń» barlyq enshiles kompanııalarynda transformatsııalaý baǵdarlamasy júzege asyp jatyr.
