«Samuryq-Qazyna» qyzmetkerleri qansha jalaqy alady
«Kvazımemlekettik sektor sýbektisi retinde qor qyzmetkerleriniń jalaqysyn memlekettik qyzmetshilerdiń jalaqysymen salystyrýǵa keledi. Úsh deńgeıli jalaqy degen túsinik joq. Sonymen qatar «Samuryq-Qazyna» qorynda ádil eńbekaqy tóleý júıesi boıynsha naqty erejeler ázirlendi. Onyń ishinde negizgi jáne jyl qorytyndysy boıynsha beriletin syıaqy tóleý de bar. Jalaqy men syıaqy taǵaıyndaýda jumysshynyń jeke jáne korporatıvtik qyzmet kórsetkishteri erekshe eskeriledi», - dedi «Samuryq-Qazyna» AQ basqarma tóraǵasy Almasadam Sátqalıev Ortalyq kommýnıkatsııalar qyzmeti alańynda ótken baspasóz máslıhatynda.
Onyń aıtýynsha, jalaqy máselesi tolyǵymen qordyń dırektorlar keńesiniń quzyretine jatady.
«Bizde basqarýshy personal orta eseppen 950 myń teńge, al menedjerler shamamen 400 myń teńge jalaqy alady», - deıdi ol.
Sondaı-aq, «Samuryq-Qazyna» basshysy qordy reformalaýdan keıin qyzmetkerler sany 248-den 124-ke deıin qysqarǵanyn aıtty. Onyń ishinde basshylar sany eki ese, ıaǵnı 10-nan 5-ke deıin azaıǵan.
Buǵan deıin «Samuryq - Qazyna» qorynyń halyq ómirin jaqsartýǵa baǵyttalǵan jobalardyń ekinshi paketin jarııalaǵany týraly habarlaǵan edik.
Odan bólek, brıfıng barysynda atalǵan qordyń shamamen 10 trıllıon teńge qaryzy bary aıtyldy.
