«Samuryq-Qazyna» qory majorıtarly ınvestorǵa aınalady

NUR-SULTAN. QazAqparat – «Samuryq-Qazyna» qory ekonomıkanyń basty salalaryna baqylaý jasaýǵa ǵana jetkilikti yqpaly bar majorıtarly ınvestorǵa aınalýy kerek. Prezıdent Qasym-Jomart Toqaev Qazaqstan halqyna Joldaýynda osnydaı tapsyrma júktedi, dep habarlaıdy QazAqparat tilshisi.

«Buǵan deıin aıtylǵandaı, memleket óziniń ekonomıkaǵa aralasýyn birtindep azaıta beredi. «Samuryq-Qazyna» qory ekonomıkanyń basty salalaryna baqylaý jasaýǵa ǵana jetkilikti yqpaly bar majorıtarly ınvestorǵa aınalady.

Qordyń basqa aktıvteri men aktsııalaryn jekeshelendirý kerek. Ony júzege asyrýǵa «Halyqtyq ІRO» tásilin de qoldanýǵa bolady.

«Samuryq-Qazyna» qory jeke ınvestorlar derbes júzege asyra almaıtyn asa mańyzdy jobalarǵa ınvestor retinde qatysa alady»,- degen Qasym-Jomart Toqaev mundaı jobalardy Prezıdent anyqtap otyratynyn atap ótti.

«Kelesi másele – elimizdiń tranzıttik qýatyn arttyrý. Qazaqstan qazirgi geosaıası jaǵdaıda Azııa-Eýropa arasyndaǵy asa mańyzdy qurlyq dálizi bolyp otyr.

Biz bul múmkindikti tolyq paıdalanyp, álemdik mańyzy bar kólik-tasymal torabyna aınalýymyz kerek. Elimiz osy salada iri jobalardy júzege asyra bastady. Atap aıtqanda, Aqtaýda konteıner haby qurylyp jatyr. Transkaspıı dálizi damyp keledi. Osy jumystarǵa álemdegi úzdik logıstıka kompanııalary tartylady», - dedi Prezıdent.

Foto: kapital.kz