«Samuryq-Qazyna» «Qazposhtany» satyp jatyr

NUR-SULTAN. QazAqparat - «Qazposhta» Aktsıonerlik qoǵamy satylady. Bul týraly «Samuryq-Qazyna» ulttyq ál-aýqat qorynyń basqarma tóraǵasy Ahmetjan Esimov aıtty, dep habarlaıdy QazAqparat tilshisi.

«Kelesi kompanııa - «Qazposhta«. Osy jyldardyń ishinde Qor kompanııaǵa 28 mlrd teńge ınvestıtsııa baǵyttady. Shalǵaı aýdandardaǵy jelilerinde 8 mlrd teńge shyǵyny bar. Jyl saıyn respýblıkalyq bıýdjetten bólinetin sýbsıdııa 4,2 mlrd teńgeni quraıdy. Sondyqtan keńesshiler tikeleı ataýly satýdy usynady», - dedi Ahmetjan Esimov Elbasy Nursultan Nazarbaevtyń tóraǵalyǵymen ótken Qordy basqarý jónindegi keńeste.

Onyń atap ótýinshe, ınvestorlar tarapynan qyzyǵýshylyq bar.

«Árıne, bul jumystar da ońaı emes. Degenmen, maquldanǵan jaǵdaıda biz ony barynsha tabysty júzege asyra alamyz dep oılaımyn»,- dedi Ahmetjan Esimov.