«Samuryq-Energo» «Qazaqmystan» 1,2 mlrd dollardyń aktıvterin satyp alady

ASTANA. 9 jeltoqsan. QazAqparat - «Samuryq-Energo» AQ «Qazaqmys» korporatsııasynan 1,249 mlrd dollarǵa «Ekibastuz GRES-1» JShS 50%-dyq úlesti jáne «Qazgıdrotehenergo» JShS 100%-dyq úlesti satyp alýdy josparlap otyr.

Tıisti kelisimdi «Samuryq-Energo» men «Qazaqmys» bekitti, dep habarlady halyk-ipo.kz saıty metallýrgııalyq kompanııanyń baspasóz qyzmetine silteme jasap.
Mámile «Qazaqmystyń» táýelsiz aktsıonerleri men Qazaqstan memlekettik organdarynyń kópshiligi maquldaǵan jaǵdaıda ǵana júzege asady, delingen taratylǵan baspasóz baıanynda. Oń sheshim qabyldanǵan jaǵdaıda, «Samuryq-Energo» Ekibastuz GRES-1-diń birden-bir menshik ıesi bolady.
«Qazaqmys» aktıvterdi satýdan túsken somany mys óndirý salasyndaǵy iri, uzaqmerzimdi ári shyǵyny az jobalardy ázirleýge baǵyttamaq.
«Samuryq-Energo» AQ «Halyqtyq IPO» baǵdarlamasy aıasynda aktsııalaryn ornalastyrý josparlanyp otyrǵan memlekettik kompanııalar tizimine kiredi.