Samsung Galaxy S26 smartfony kópshilikke 25 aqpanda tanystyrylmaq

ASTANA. KAZINFORM — Samsung kompanııasy Galaxy S flagmandyq serııasyn shyǵarýdyń dástúrli kestesin ózgertip, jańalyqtardy qańtarda emes, aqpan aıynda tanystyrady. Bul týraly áleýmettik jeli X platformasynda tanymal ınsaıder Evan Blass málimdedi. Bul týraly 24 kg.

Ol buǵan deıin jarııalanǵan aqparatty rastap, Samsung Galaxy S26 modelderin 25 aqpanda kórsetý josparlanyp otyrǵanyn habarlady.

Samsung kompanııasy tek Galaxy S26 serııasyn ǵana emes, sonymen qatar jaz aılarynda naryqqa shyǵatyn Galaxy Z Fold8 jáne Galaxy Z Flip8 smartfondarynyń baǵasyn da kóterýdi josparlamaı otyr.

Galaxy S26 serııasynyń shyǵarylý merziminiń keshigýine kompanııanyń ónim strategııasyn qaıta qaraýy sebep bolyp otyr. Máselen, Samsung Galaxy S26 Edge modelinen bas tartyp, qysqa merzim ishinde Galaxy S26+ modelin qaıta qosqan. Bul jaǵdaı jańalyqtardy naryqqa shyǵarý protsesin qıyndatty jáne kompanııanyń dástúrli kestege sáıkes bolýyna múmkindik bermedi.

Nátıjesinde, Galaxy S26 serııasy úsh modelmen tanystyrylady: negizgi Galaxy S26, onyń ulǵaıtylǵan nusqasy S26+ jáne flagmandyq Galaxy S26 Ultra. Alǵashqy eki smartfonda fırmalyq Exynos 2600 chıpseti ornatylsa, Ultra nusqasy Snapdragon 8 Elite Gen 5 chıpsetin qoldanady.

Aıta keteıik, Samsung pen Tesla 16,5 mlrd dollarlyq chıpterdi jetkizý kelisimshartyna qol qoıdy.