Samat Ábish Qazaqstannan shyqqan joq - Bas prokýratýra

 ASTANA. KAZINFORM – Bas prokýrordyń orynbasary Áset Shyndalıev Ulttyq qaýipsizdik komıteti tóraǵasynyń burynǵy birinshi orynbasary Samat Ábishke qatysty qylmystyq is boıynsha pikir bildirdi.

Búgin Parlament Májilisinde tilshiler Bas prokýratýra ókilinen S. Ábishtiń isi boıynsha surady.

Atalǵan is sotqa joldanǵanyn eske salǵan Á. Shyndalıev: «bul is qupııa tártipte tergeldi. Sondyqtan basqa málimetterdi jarııalaı almaımyn», - dedi.

Sonymen qatar ol S.Ábishtiń Qazaqstan aýmaǵynan shyqpaǵanyn aıtty.

«Tergeý kezinde odan eshqaıda ketpeý týraly qolhat alyndy», - dedi Áset Shyndalıev.

Budan buryn habarlanǵandaı, bıyl qańtar aıynda Ulttyq qaýipsizdik komıteti tóraǵasynyń burynǵy birinshi orynbasary Samat Ábishke qatysty qylmystyq is boıynsha tergeý aıaqtaldy.

Osy qylmystyq is aıasynda Samat Ábish aýyr saldarǵa ákep soqtyrǵan bıligin jáne qyzmettik ókilettigin asyra paıdalandy degen kúdikke ilingen.