Samat Ábishten kýáger retinde jaýap alyndy – Bas prokýror

ASTANA. QazAqparat – Ulttyq qaýipsizdik komıteti tóraǵasynyń burynǵy birinshi orynbasary Samat Ábishten kýáger retinde jaýap alyndy. Bul týraly QR Bas prokýrory Berik Asylov aıtty, dep habarlaıdy QazAqparat tilshisi.

Májilistiń jalpynan otyrysynan keıin bolǵan baspasóz máslıhatynda tilshiler Bas prokýrordan qańtar oqıǵasy boıynsha Samat Ábishtiń (Ulttyq qaýipsizdik komıteti tóraǵasynyń burynǵy birinshi orynbasary) qańtar oqıǵasyna qatysy bolý múmkindigi týraly surady.

Óz kezeginde Berik Asylov qańtar oqıǵasy boıynsha qylmystyq ister tergelip jatqanyn aıtty.

«Sonymen qatar, memleketke opasyzdyq jasaý jáne bılikti basyp alý bóligindegi qylmystyq isti Ulttyq qaýipsizdik komıteti tergedi. Jalpy, qańtar oqıǵasy boıynsha tergeý júrip jatyr. Jaýapkershilik týraly másele qylmystyq is aıaqtalǵannan keıin belgili bolady», - dedi Bas prkýror.

Osy oraıda ol S. Ábish tergeý amaldary kezinde kýáger retinde shaqyrylǵanyn aıtty.

«Odan tek kýáger retinde jaýap alyndy. Tek kýáger mártebesi bar», - dedi Berik Asylov.

Sonymen qatar, Kárim Másimov qańtar oqıǵasynyń basty uıymdastyrýshylarynyń biri ekeni aıtyldy.

Budan buryn habarlanǵandaı, 2021 jyly qańtarda Samat Satybaldyuly Ábish Qazaqstan Respýblıkasy Ulttyq qaýipsizdik komıteti tóraǵasynyń birinshi orynbasary laýazymynan bosatyldy.

Foto: gov.kz