Salymshylarmen baılanys ornatý óz nátıjesin bere bastady - BJZQ
2018 jyldyń aqpanynan bastap, BJZQ ózin-ózi qamtamasyz etetin azamattarmen jumysty jaqsarta bastaǵan. Ol úshin aı saıyn belgilengen mólsherlemede qarjy salynbaı jatqan jekelegen salymshylarmen jumys isteıtin arnaıy top qurylǵan. Naqty tekserý barysynda 2015 jáne 2017 jyldar aralyǵynda ashylyp, búgingi kúnge deıin salym salynbaǵan jeke shottar anyqtalǵan. Sonymen qatar, sońǵy jylda qarjy túspegen shottar da nazarǵa alynǵan.
«Aǵymdaǵy jyldyń birinshi jartysynda 325 myń salym ıesin qamtý kózdelgen. Al sońǵy eki aıda 71 myń salymshymen baılanys ornatyldy. Telefon arqyly baılanys ornatýdyń netıjesi boıynsha joǵaryda kórsetilgen salymshylar sanynyń 25 paıyzy, ıaǵnı, 17 750 azamat Qorǵa kelip, keńes alǵan. Al onyń 14 paıyzy (9 789 azamat) búgingi kúnge deıin salym salyp úlgergen», - deıdi «BJZQ» AQ basqarma tóraıymy Nurbúbi Naýryzbaeva baspasóz máslıhatynda.
Basqarma tóraǵasynyń aıtýynsha, saýalnama nátıjesi boıynsha baılanys ornatylǵan azamattardyń 68 paıyzy jumyssyz, al onyń 15 paıyzyn ózin-ózi qamtamasyz etetin azamattar quraıdy. Elimizdegi ekonomıkalyq belsendi quramdy zeınetaqy qoryn tolyqtyrýǵa tartý úshin osy baǵyttaǵy jumys jalǵasyn tabady.