Salymshylarǵa ınvestıtsııalyq tabysy jaıly ýaıymdaýdyń qajeti joq – Zeınetaqy qory

ALMATY. QazAqparat – QR «Biryńǵaı jınaqtaýshy zeınetaqy qory» AQ basqarma tóraǵasy Janat Qurmanov naýryz-sáýir aılaryndaǵy ınvestıtsııalyq ózgerister týraly onlaın brıfıng barysynda aıtty, dep habarlaıdy QazAqparat tilshisi.

«Zeınetaqy jınaqtary túrli valıýtadaǵy ınstrýmentterge (aktsııa, oblıgatsııa, baǵaly qaǵazdar) ınvestıtsııalandy. Investıtsııalardyń 2/3-si - teńgemen, 1/3-i sheteldik valıýtaǵa salynǵan. Onyń basym kópshiligi AQSh dollaryna salynǵan», - dedi Janat Qurmanov.

Onyń aıtýynsha, naýryzda AQSh dollarynyń teńgege shaqqandaǵy baǵamy 381-den 488 teńgege ósti.

Sheteldik valıýtaǵa salynǵan zeınetaqy aktıvteriniń tıimdi qaıta baǵalanýy naýryzdaǵy aktıvterdiń 541,9 mlrd teńgege ósýin qamtamasyz etti.

Sáýirdiń basynda kerisinshe teńge baǵamy AQSh dollaryna qaraǵanda 448 teńgeden 425 teńgege nyǵaıdy. Sol kezde zeınetaqy aktıvteriniń teris qaıta baǵalanýynan 179,7 mlrd teńge kóleminde ınvestıtsııalyq tabys azaıǵan.

«Sáýirdiń sońynda taza ınvestıtsııalyq tabys taǵy ózgerdi. 30 sáýirde AQSh dollary 424,64 teńgege tómendedi. Bul óz kezeginde taǵy da ınvestıtsııalardyń qaıta qaralýyna ákep soǵady. Alaıda jyl basynan bergi boljamǵa sensek, ınvestıtsııalyq tabys 0,5 trln teńge bolady. Salymshylarǵa naýryz-sáýir aıyndaǵy ınvestıtsııalyq tabysy jaıly ýaıymdaýdyń qajeti joq», - dedi spıker.