Salymshylardyń aqshasy 2020 jylǵy ınflıatsııa qaýpinen qorǵalǵan – Zeınetaqy qory
«Barlyq quraldar boıynsha bizde tabystylyq deńgeıi joǵary. 2020 jyly ınflıatsııa kúrt kóteriletin bolsa da, zeınetaqy aktıvteri saqtalady», - dedi Janat Qurmanov.
Onyń aıtýynsha, Ulttyq bank 2020 jyldyń birinshi toqsanynda salymshylardyń aqshasyn QR Qarjy mınıstrliginiń memlekettik qundy qaǵazdaryna ınfestıtsııalaǵan bolatyn. Bul qundy qaǵazdardyń tabystylyǵy 11 paıyz, notalar boıynsha ortasha tabys 10,92 paıyz boldy.
«Zeınetaqy aktıvteriniń shetel valıýtasyna salynǵan ınvestıtsııasy tıimdi bolǵandyqtan 2020 jyly salymshylardyń zeınetaqysy ınflıatsııadan qorǵalady», - dedi ol.
Onyń aıtýynsha, salymshylarǵa óz jınaqtarynyń ınflıatsııadan qorǵalýyna qatysty alańdaýǵa negiz joq.
Óıtkeni, Zańǵa sáıkes memleket azamattarǵa olardyń zeınetaqy jınaqtarynyń ınflıatsııadan qorǵalýyna kepildik beredi.
«Bir sózben aıtqanda, salymshy zeınetke shyqqan kezde, zeınetaqy jınaqtary azaıyp qalsa, memleket ony ótep beredi. Biraq bul shara jınaqtalǵan ınflıatsııa alynǵan tabystan asyp ketken jaǵdaıda ǵana júzege asyrylady», - dedi ol.