Saltanat Tursynbekova saılaýda daýys berdi

ASTANA. QazAqparat – QR prezıdenttigine úmitker Saltanat Tursynbekova elordadaǵy daýys berý ýchaskesine keldi, dep habarlaıdy QazAqparat tilshisi.

Kandıdat daýys berýge saǵat 10:30-da Astanadaǵy Túrkistan kóshesinde ornalasqan 107 saılaý ýchaskesine óziniń saılaý shtabynyń qyzmetkerlerimen keldi.

Aıta keteıik, Saltanat Tursynbekova QR prezıdenti saılaýyna kandıdat retinde «Qazaq analary – dástúrge jol» respýblıkalyq qoǵamdyq birlestiginiń atynan usynylǵan edi.

Eske sala ketsek, Saltanat Tursynbekova men onyń saılaý shtaby Astana, Shymkent jáne Almaty qalalarynda, Aqmola, Atyraý, Shyǵys Qazaqstan, Qaraǵandy, Qostanaı, Mańǵystaý, Pavlodar, Soltústik Qazaqstan, Túrkistan oblystarynda saılaýaldy is-sharalaryn ótkizdi.