Salvador Tehasta bıtkoın elshiligin ashady
Salvadordyń AQSh-taǵy Elshisi Mılena Maıorganyń habarlaýynsha, Salvador ókilderi Tehas úkimeti hatshysynyń orynbasary Djo Esparzamen kezdesip, bıtkoın elshiligin ashý, sondaı-aq kommertsııalyq jáne ekonomıkalyq almasý jobalaryn keńeıtý máselesin talqylady.
Dıplomat Tehas úkimetiniń kópshiligi bul krıptovalıýtany ashyq túrde qoldaıtynyn jáne 2022 jyly Salvador men ońtústik Amerıka shtaty arasynda 1 244 636 983 dollar somasyna kommertsııalyq aıyrbastaý oryn alǵanyn atap ótti.
Salvador 2021 jyldyń qyrkúıeginde bıtkoındi zańdy tólem quralyna aınaldyrǵan álemdegi alǵashqy egemen memleket retinde tarıhqa endi. El bıtkoınmen qamtamasyz etilgen alǵashqy táýelsiz qaryz oblıgatsııalaryn shyǵaryp, krıptovalıýtaǵa negizdelgen jobalardy júzege asyrýda.
Alǵashqy bıtkoın elshiligi Shveıtsarııada 2022 jyldyń qazan aıynda ashyldy. Salvador eýropalyq kontınentte bıtkoındi taratýǵa baǵyttalǵan Lýgano qalasymen ózara túsinistik týraly memorandýmǵa qol qoıdy.
Avtor: Rústem Qojybaev